انا مش عارف ابتدي منين لان الموضوع كبيــــــــر جدا بس في النهاية مشوار المليار ميل بيبتدي بخطوه ......................... .....
نبتدي الاول بنوع العربية هي فيات 124 سبيشيال موديل 74 ومش عاوز تريقة لو سمحتو :sd: حافظوا علي شعور الناس .... وانا محتفظ بيها لان ليها ذكريات معايا ومش هفرط فيها الا لو حد عرض عليا ابدلها ببورش ويدفعلي الفرق وقتها هولع في الزكريات.
مطولش عليكم ناخد الاهم فالمهم
1- لما بدور العربية الصبح بتدور من اول مرة وبعدين تفصل وافضل اكاركلها وادور خمس ست مرات لما تدور تاني .....وبعدين لو ماشي وبعدين وقفت لو دورتها علي طول تدور قبل مكمل لفة المفتاح لكن لو سبتها 5 دقايق حتي لو العربية سخنة يتاخد وقت لما تدور ولازم اكون بضغط علي البنزين وانا بدور وخصوصا لو واقف في الشمس
2- بالنسبة للسحب انا بصراحة معرفش هو كويس ولا لا بس ع الطريق نادر لما عربية بتعديني بعد المطبات علطول هما بيعدوني بعد سرعة 60 تقريبا كويس
3- العربية 4 غيار الغيار التالت ممكن يعمل معايا سرعة 70 اما الرابع فيعمل 80 ومبيزدش عن كدة ولما بضغط بنزين عداد اللفات مبيزدش والصوت مبيعلاش ومفيش تاثير
4- العربية وهي واقفة بتقطع جامد يعني صوت الموتور مش سلس لا الصوت بيقطع والعربية كلها من فتيس لدريكسيون لكل حاجة بتترج جامد جدا وكل دة بيختفي لما بزود بنزين
5- حاجة انا لسة ملاحظها امبارح مش عارف دة صح ولا بيتهيالي اولا العربية صوتها عالي شوية والمكنيكي قلي عشان كامتين بس امبارح لما مشيت بالعربية شوية للخلف مسافة 200 متر كدة الصوت وانا ماشي اختفي تماما وكاني راكب هيونداي او دايو يكاد مفيش صوت وانا جربت الحكاية دة الصبح ونفس الحكاية .
6- لما بدوس بنزين مرة واحد العربية بتفصل
كفاية الشوية دول النهاردة ونكمل بعدين لان في حاجات كتير مثلا فرامل اليد اللي مش شغالة والمكنيكي قلي لو اتشقلبت مش هتشتغل والعيب دة موجود في معظم الفيت عمتا مش عاوز اشتت انتباهكم خلينا في الشوية دول واسف ع الاطالة ومشكور مقدما للردود والمساعدة .HPPYBUS
طبعا انا سالت سواق قلي عاوزة تغير طقم كهربا البوجيهات والكوندنسير والابلاتين وتنضف الكاربيراتير هل الكلام ده صحيح طيب اية افضل انواع الحاجات دة وسعرها كام علي بعض وبالمره الميكانيكي يخدله كام في التغير والتنضيف وشكراااا ونلتقي
مره تانية مع برنامجكم الحصري في رمضان علي مصرموتورز

3- العربية 4 غيار الغيار التالت ممكن يعمل معايا سرعة 70 اما الرابع فيعمل 80 ومبيزدش عن كدة ولما بضغط بنزين عداد اللفات مبيزدش والصوت مبيعلاش ومفيش تاثير

لازم تتاكد انك لما تدوس بنزين على الخر باب الكاربراتير بيفتح على الاخر و اذا كانت بابين يبقى برضه المفروض يكونوا فاتحين على الاخر
او فعلا الرداخ ضعيف

4- العربية وهي واقفة بتقطع جامد يعني صوت الموتور مش سلس لا الصوت بيقطع والعربية كلها من فتيس لدريكسيون لكل حاجة بتترج جامد جدا وكل دة بيختفي لما بزود بنزين

لازم تشيك على طقم الكهرباء و ظبط الكاربراتير و الاكس و الباب ميكنوش مبوشين
لو كله تمام يبقى ممكن قواعد

6- لما بدوس بنزين مرة واحد العربية بتفصل

برضه احتمال الراجع بتاع البنزين مش مظبوط فبتشرق او احتمال لو حليت الى فات دى تختفى

طبعا انا سالت سواق قلي عاوزة تغير طقم كهربا البوجيهات والكوندنسير والابلاتين وتنضف الكاربيراتير هل الكلام ده صحيح طيب اية افضل انواع الحاجات دة وسعرها كام علي بعض وبالمره الميكانيكي يخدله كام في التغير والتنضيف وشكراااا ونلتقي
مره تانية مع برنامجكم الحصري في رمضان علي مصرموتورز