رحت التوكيل لأخر مرة قبل ما اتوجه لحماية المستهلك
 

السلام عليكم رحمة الله و بركاته
كل سنة و انتم طيبيين طبعا اكيد فاكريين مواضيعى اللى كتبتها قبل كدة عن معاناتى مع نيسان صنى 2011 اتوماتك اللى عاملة 10000 كيلو و كانت اخر المهازل التكييف اللى بيفصل و يجيب هوا سخن و لما رحت التوكيل كان الرد اكثر استفزازا ان ده عادى جدا عشان الحمل على الموتور ازاى يا عم الحج العربية قعدت 20 دقيقة على ما التكييف اشتغل تانى قالى لا كدة يبقى التكييف مشحون زيادة و بعد الفحص قالى خلاص يا فندم التكيف تمام و فعلا كان مشحون زيادة طبعا المفجأة ان تانى يوم التكييف فصل تانى و لا كأن حاجة حصلت اتصلت و بهدلتهم و اخدت معاد اخير و رحت امبارح قابلت نفس المهندس اللى ردد نفس الكلام ان ده طبيعى ان التكييف يفصل عشان حمل الموتور طبعا طلعت فيه و قلتلوا ان كلامك مش منطقى قالى خلاص يافندم هنكشف و نشوف و بالمرة نركب فلتر التكييف بعد ما كشف جالى قالى يا فندم فعلا الفرين كان على 350 و هو المفروض يبقى 420 فا احنا هنزوده يعنى عكس اللى حصل المرة اللى قبلها لما قالوا الفريون عالى :12B1B3~136:قلت حسبى الله و نعم الوكيل فى سرى و قلت اجرب و اشف اخرتها ايه طلعت من التوكيل لاقيت و لا كأن الفلتر ركب نفس ريحة العطن موجودة هى هى و كمان اللى لاحظتوا مؤخرا ان العربية انا واقف فى اشارة التكييف شغال مرحة ساقعة مش تكييف لما اشد بالعربية بيتعدل لكن اول ما ادخل فى زحمة يرجع تانى و إن شاء الله هقدم شكوى فى نيسان مصر و لو ما استجابوش هرح حماية المستهلك و مش هسيب حقى

رد: رحت التوكيل لأخر مرة قبل ما اتوجه لحماية المستهلك
 

رد: رحت التوكيل لأخر مرة قبل ما اتوجه لحماية المستهلك
 

السلام عليكم
ياريت يا أستاذ أيمن تطمنا عملت أيه مع التوكيل
وأخبار العربية معاك أيه دلوقتى
ولو اتصلحت ! كان أيه العطل اللى فى التكييف؟
وعملت أيه فى مشكلة السحب؟
وياترى مشكلة السحب دى لما التكييف بيشتغل بس ؟ ولا موجودة على طول حتى لو التكييف مش شغال؟

رد: رحت التوكيل لأخر مرة قبل ما اتوجه لحماية المستهلك
 

اكيد ده توكيل السبع لان كل اليى شغالين فيه حراميه وعلى فكره كمان بيقنعوك ان ده شيىء طبيعى جدا وانه مش عيب وده اسلوبهم فى الرد على اى عميل يكتشف خطأ او عيب معين فى سيارته بس ده ميمنعش ان السياره عموما ممتازه لكن بعض الوكلاء بجد فى مصر زفت

رد: رحت التوكيل لأخر مرة قبل ما اتوجه لحماية المستهلك