ارجوكم افتونى سيفيك موديل 93 بسعر 44500
 

امامى عربية سيفيك موديل 93 بسعر 44500 جنية اوتوماتيك موتور 1500 vlave ـ باور ـ تكييف ـ زجاج كهرباء ـ وحدات رفع ـ كاوشات سرعات ـ جنوط ـ فوج لايت ـ شكمان ديفيل - كاسيت DVD
الكل اجمع ان حالتها جيدة جدا مع وجود خبطة غى الرفرف الخلفى يمين معمول بس برضه اجمعوا انه لايعيب العربيه
مع العلم انه محول البطاريه مخليها فى شنطة العربية واحد اصدقائى اللى بيفهموا فى العربيات خوفنى جدا من الحركه ديه
والكل اجمع ان السعر غالى وقالولى خليك فى اللانوس او الاكسنت وخاصة ان دى
اول مره اشترى سياره ومش عارف اعمل ايه ارجوكم افتونى بما يرضى الله ؟

رد: ارجوكم اخوتى الاحباء افتونى
 

رد: ارجوكم افتونى سيفيك موديل 93 بسعر 44500
 

مبدئيا على الحالة دى السعر مقبول .. ولو عرفت تنزل شوية فى السعر يبقى حلو ..

هو الموتور VTEC ولا ايه ؟؟ (تقدر تلاحظه من صوت المارش .. لو صوته شبه العربيات الربع نقل يبقى VTEC )

هل العربية فل اوبشنز ؟ (يعنى ازاز كهربا فبريكة و عداد RPM ) ؟

ايه اخبار حالة الصاج والدهان والفرش الداخلى (بغض النظر عن خبطة الرفرف) ؟؟

العداد عامل كام كيلو ؟؟

حالة الموتور ايه ؟؟


واضح من كلامك ان العربية فيها تعديلات اسبور .. فانا اتوقع ان نقل البطارية ورا علشان يفضى مكان لفلتر اسبور او ما شابه .. فمفيش من الموضوع مشكلة متقلقش .. وممكن تبقى ترجعها تانى بسهولة ..


ربنا يوفقك بعربية تريحك باذن الله .. وكل سنة وانت طيب ..

رد: ارجوكم افتونى سيفيك موديل 93 بسعر 44500
 

السيارات الكوريه

الارخص فى قطع الغيار

الاسهل فى الصيانه

رد: ارجوكم افتونى سيفيك موديل 93 بسعر 44500
 

شكرا جزيلا اخوانى وكل عام وانتم بخير
على العموم انا بحب السيارة الهوندا جدا وفى واحد صاحبى ( نفس حالتى جديد برضه ) لفت نظرى للاوبل كورسا وشكرلى فيها جدا لدرجة انه خلاص بيشترى واحدة