حادثة بالفيرنا بتاعتي بالصور ... ياريت رأي الخبراء
 

النهاردة عملت اول حادثة ب الفيرنا بتاعتي
و اللي متابع ردودي اكيد عارف انا بحبها اد اية بس الحمد لله انها جت علي اد كدة

تفاصيل الحادث
ماشي في جسر السويسفي الحارة اليمين علي سرعة 40 تقريبا و جة واحد ابن حرام حسبي الله و نعم الوكيل فيه جاي من الحارة اللي عالشمال رامي نفسه عشان يدخل شارع جانبي و الرفرف اليمين ورا عنده خلاص بيخبطني هديت لقيته بيهدي قومت كسرت سنة يمين كان جنبي موتوسيكل جاي بسرعته من علي يميني الراجل بتاع الموتوسيكل كان معاه ابنه بس الحمد لله الراجل و ابنه سلام
طبعا اللي كسر عليا سمع صوت الخبط و طار ماشوفتهوش بس الحمد لله الناس اللي كانت واقفة شافته و الراجل لما قام قالي مش ذنبك انا شفته وهو رامي نفسه
( كنت هقوله طب واقفتش لية يا حاااااج طلاما شايفه بس قولت بلاش ليقلب عليا )

الاضرار عندي
1-المراية اليمين وقعت و دي كانت كهربا ربنا يسهل و اعرف هتنفع تاني ولا لأ
2-الباب اليمين قدام واخد لون ابيض محترم
3-الباب اليمين ورا اتطبق زي ورقة الجرنال
4-جالي صدااااااااااااااااااااااع رهيب من الموقف ربنا مايكتب الخضة دي علي حد


و ادي الصور ياريت اراء الاعضاء الخبطة دي هتترد ازاي و هتضطر اسخن و ارش ولا اية ؟

دة الباب اليمين قدام
http://imageshack.us/photo/my-images...072011079.jpg/

,و دة الشمال
http://imageshack.us/photo/my-images...072011082.jpg/

رد: حادثة بالفيرنا بتاعتي بالصور ... ياريت رأي الخبراء
 

بسيطه وربنا يعوض عليك

ويكفينا ويكفيك شر الحوادث

رد: حادثة بالفيرنا بتاعتي بالصور ... ياريت رأي الخبراء
 

رد: حادثة بالفيرنا بتاعتي بالصور ... ياريت رأي الخبراء
 

الحمد لله جت سليمه واعتقد انها على البارد يعنى ماتقلقش وكلو خير ان شاء الله

رد: حادثة بالفيرنا بتاعتي بالصور ... ياريت رأي الخبراء