سؤال لأهل الخبرة من الفنيين
 

هل استخدام الغاز الطبيعى كوقود للفيرنا له تأثير ضار على الموتور ام لا
ارجو الافادة من الذى يكون على علم فقط برجاء عدم الفتى

رد: سؤال لأهل الخبرة من الفنيين
 

برجاء عدم الفتى .... حاضر
اولا عربيتى فيرنا تاكسى موديل 2010 عامله 80000 كيلو وركبتلها الغاز بحوالى 6000 جنيه كاش من 20 شهر تقريبا بعد مااشتريتها ب5 ايام
كنت اسمع انه بيأثر ع السحب وبيقلل العمر الافتراضى للماكينه
بصراحه بالنسبه للسحب هو أقل خصوصا لو العربيه فيها حموله بس الكلام ده ع السرعات القليله ولكن ع الطريق بجيب ال120 و ال130 عادى جدا
غيرت بوجيهات 3 مرات لانه بيحتاج كهرباء اكتر بمعنى انا لعربيه بتكون مظبوطه جدا على البنزين ولما اقلب غاز احس بتنتيشه فى الطلعه ومشاكل فى المشى
انبوبه الغاز اللى فىا لشنطه بتاكل تلتين الشنطه ووزنها حوالى 80 كيلو فاعمل حسابك انك معاك واحد راكب معاك ورا يعنى يستحسن متركبش اكتر من فردين ورا
باختصار هو ليه عيوب وليه مميزات ومميزاته اكتر من عيوبه لان بالعربى انا عربيتى بتشتغل 12 ساعه يوميا يعنى معدل استهلاك 8 جنيه غاز ولو هشتغل بنزين هحط ب40 جنيه بنزين 92تقريبا
يارب أكون افدتك ولو فى اى استفسار تانى انا فى الخدمه

رد: سؤال لأهل الخبرة من الفنيين
 

كلامك صح انا مركب غاز من سنة وتقريبا نفس الكلام

رد: سؤال لأهل الخبرة من الفنيين
 

اولا انا من شركه الغاز الطبيعي للسيارات (كار جاس)
يعني مش حفتي
بص ياسيدي الغاز الاول كان بيركب للسيارات الكربتير والانجكشن ذي بعض بمعني
انه كان بيخش للمتور عن طريق الهواء الداخل للموتور عن طريق الكربتير او من الخرطوم الي بيوصل مابين علبه فلتر الهواء والمنفول بنسبه للانجكشن وده كان ظبطه يدوي بواسه الفنيين
بعد كده عملوا وحده انجكشن لوحدها للغاز يعني رشاشات وكارته مستقله للغاز
يعني العربيه فيها كرتتين واحه للبنزين والتانيه للغاز وده حسن شويه في استهلاك الغاز وسحب العربيه بس المجموعه دي مكنتش ذات كفائه جيده
اخر حاجه دلوقتي احنا بنركب نظام جديد ان الغاز بيخش للموتور عن طريق رشاشات العربيه الاصليه
ذي البنزين بظبط والكرته بتاعت العربيه هي الي بتقرا الغاز وهي الي بتتحكم فيه واكيد طبعا الرشاشات والكرته اكفاء كتير من النظام التاني
وده زاد من كفائه السحب واستهلاك الغاز بدرجه كبيره
وبنسبه للعربيات الهيونداي الغاز جيد جدا معاها ومفيش اي مشكله منه غير مثلا الادا النجكشن عامل مشاكل لاكن بسبب ان منظومه النجكشن في العربيه اللادا مش كويسه
ممكن يكون الرد بتاع الاستاذ احمد سويلم علشان هو مركب النظام الاقدم

رد: سؤال لأهل الخبرة من الفنيين
 

يا ريت توضيح اكتر لان موش كده ممكن يدمر الرشاشات لان الغاز حامى على الرشاشات لان فيه ناس غيرت طقم رشاشات وفى الهيونداى بسبب النظام الجديد ده اللى حضرتك بتقول عليه فاريت شرح اكثر على مميزاته وعيوبه