مصر موتورز مجتمع السيارات - يا جماعة ارجوكم الحل بسرعة ؟؟؟؟؟؟؟؟؟؟؟؟؟؟؟؟؟؟؟

مصر موتورز مجتمع السيارات (https://www.masrmotors.com/vb/index.php)

- منتدى الصيانة العام (https://www.masrmotors.com/vb/forumdisplay.php?f=4)

- - يا جماعة ارجوكم الحل بسرعة ؟؟؟؟؟؟؟؟؟؟؟؟؟؟؟؟؟؟؟ (https://www.masrmotors.com/vb/showthread.php?t=63926)

يا جماعة ارجوكم الحل بسرعة ؟؟؟؟؟؟؟؟؟؟؟؟؟؟؟؟؟؟؟

السلام عليكم

عندى مشكلة انا لسة متعلم السواقة عن قريب واشتريت عربية سيات 124 موديل 77

والمشكلة ان العربية عصايا الفتيس بتاعتها تقيلة جدا فى الغيارات عاوزة قوة فى التعامل مع الغيارات ولما بدى الغيار الثالت وبهدى وعاوز ارجع للتانى الاقية بيعاكس معاية يعنى يرجع للتانى بس باسمع صوت عالى فيه زى ونة او زى زعقة بكده بصوت وكأنه بيرعش دية اول مشكلة وبعد كذا يوم مبقتش مشكلة الزعقة بس لأ الجديد دلوقتى ان كل الغيارات شغالة ما عدا التانى مش عاوز يجى خالص ( العربية دلوقتى مبقتش تدى تانى خالص )

المشكلة التانية انى بسمع ساعات خاصة مع النقل بين الغيارات زى صوت كأن حد بيخبط على حلة ( زى طقطقة ) بسمعها من تحت بس مش عارف منين وساعات بسمع نفس الطقطقة وانا بهدى بالفرامل فى المطبات وساعات بسمع نفس الصوت وانا بهدى بالفرامل وادى الاولانى فى المطبات بس بسمعها اكتر مع النقل بين الغيارات وناس تقولى من الشكمان فيه خرم وناس تقولى من الكردان عاوز زور فمش عارف ايه اللى فيها بالظبط

المشكلة التالتة انى بلاقى الماكينة بتاخد وبتدى ( تعلى وتوطى ) تحت رجلى من عند البنزين فيها زى تنتيشة كده

المشكلة الرابعة انى كل ما بفتح غطاء الرداتير الاقى الماية اللى بتخرج منه فيها زى تراب جامد بتطلع زى تراب فى الأول وبعد ثوانى بتروق وبتبقى ماية عادية اللى خارجة مع انى بدى ماية نظيفة للعوامة اللى بتدى للرداتير

المشكلة الأخيرة انى جيت ادور العربية الصبح بعد ما سبتها 3 ايام مركونة مع انى مغير المبينة علقت شوية ومادارتش فى الأول وبعدين دارت بس لقيت لمبة الدينامو اللى هى بيبقى عليها رسمة زى شكل حجارة قلم لقيتها كل شوية بتضيىء وتطفى مش على طول بس ساعات كتير تضيىء وتطفى

ارجوا اعطائى تفاصيل الحل بالتفصيل التام لإنى مبتدأ فى السواقة وعاوز اعرف ايه اللى فى عربيتى بالضبط علشان لما اروح للميكانيكى ميشتغلنيش

رد: يا جماعة ارجوكم الحل بسرعة ؟؟؟؟؟؟؟؟؟؟؟؟؟؟؟؟؟؟؟

اقتباس:

المشاركة الأصلية كتبت بواسطة محمد الغمرى (المشاركة 483072)

المشكلة التانية انى بسمع ساعات خاصة مع النقل بين الغيارات زى صوت كأن حد بيخبط على حلة ( زى طقطقة ) بسمعها من تحت بس مش عارف منين وساعات بسمع نفس الطقطقة وانا بهدى بالفرامل فى المطبات وساعات بسمع نفس الصوت وانا بهدى بالفرامل وادى الاولانى فى المطبات بس بسمعها اكتر مع النقل بين الغيارات وناس تقولى من الشكمان فيه خرم وناس تقولى من الكردان عاوز زور فمش عارف ايه اللى فيها بالظبط

بالنسبة للمشكلة التانية : دي صليبة الكردان عاوزة تتغير

رد: يا جماعة ارجوكم الحل بسرعة ؟؟؟؟؟؟؟؟؟؟؟؟؟؟؟؟؟؟؟

جزاك الله خيرا اخى Explorer

ارجوا الإجابة عن باقى المشاكل جزاك الله خيرا
وباقى المشاكل أخى خاصة المشكلة الأولى

رد: يا جماعة ارجوكم الحل بسرعة ؟؟؟؟؟؟؟؟؟؟؟؟؟؟؟؟؟؟؟

التروس بتاعة الفتيس مش مظبوطة ومتحولش تضعط على الفتيس علشان العربية متجبش فتيس

معاك. شوف ميكنيكى كويس ممكن ترس الثانى متاكل