مصر موتورز مجتمع السيارات - يا بلاش... قصر للي عايز!!

سلام عليكم

فرصة استثمار عظيمة هتدفع مقدم بسيط اوي ومفيش اقصاط

خد بالك العرض دة لفترة محدودة

بس لازم من النهاردة تبتدي

عشان ساعتها متلاقيش العرض خلص وانت ملحقتوش!!!!

اكيد فهمتو قصدي

كل سنة وانتو طيبين

ماذا اعددت للقائه؟ بس هنا بقي قصدي علي رمضان

http://hh7.net/Jul4/hh7.net_13110866441.jpg

مبسوط من رمضان اللي فات؟

عارف اعلان 2*1

او 3*1

تخيل بقي ال 11 شهر في شهر !!!

شد حيلك وفرغ نفسك شهر واحد بس يمحي كل السنة اللي فاتت دي بكل حاجه مش حلوة

لا وكمان ثواب كل اللي انت عملته قبل كدة ممكن تجيبه في ثانية واحدة ايوة ثانية بس ثانية عن ثانية تفرق وعشان زي ما بيقولو كدة تقش!!! لازم حاجتين حاجة من الثانية نفسها وحاجه منك

الثانية هتقدملك العرض انها هتبقي في رمضان

فاضل اللي عليك عشان توصل للمرحلة اللي تاخد بيها ثواب جامد اوي زي دة انك تستعد!!!!

مش في الامتحان بتاكر اخر يوم حتي!

مش قبل ما تسلم المشروع ممكن تنام ساعتين في اليوم علي عكس ايام الاجازة اللي بتنام فيها 10 ساعات وياريت بيكفي

هتجري في سبق وانت بقالك اصلا قرن ملعبتش رياضة لازم تمارين

بالضبط كدة لازم تشد حيلك

يا ستي لسة رمضان فاضل علية اسبوعين لسة في وقت وبعدين يعني رمضان 30 يوم واليوم 24 ساعة والساعة 60 دقيقة

قلت اللي عندك خلاص؟

http://hh7.net/Jul4/hh7.net_13110866442.gif

طب ولية مش من اول لحظة تستثمره ولية تضيع ثانية تكون هي اللي هتفرق بين مصير ومصير

لية متجبش اعلي RPM عندك

لية متحققش اعلي كفاءة للموتورمش في واحد مبيدخلش هندسة وبتفرق معاه علي ,1%

مش قبل ما تسافر بتشيك علي الكاوتش والزيت والمياة والبنزين عشان يكفي طول الرحلة

مش في سورة بحالها في القران هي السادسة من الطول اسمها الاعراف (وعلي الاعراف رجال...)اللي هم يستوي عملهم الصالح وعملهم السئ واقفين في النص؟

مش في واحد بيموت قبل ما الاسعاف توصل بثانية

يبقي لية متستغلهاش

هتدخل مغارة علي بابا معقولة متلمش كل حاجه حواليك

هتدخل بستان ومتلمش كل الفاكهة اللي موجودة

طب ممكن تبطلي رغي شوية بقي وتخشي عالمفيد؟

طيب هات ورقة وقلم بس اجندة صغننة كدة ف جيبك

ومصحف صغير

وسبحة

اية يا حضرة الشيخة انت عايزة الناس تضحك علية ويقولولي ربنا يزيدك من بركاته يا شيخ وتريقة بقي

وماله ؟يعني اللي مطول شعرة وعاملة شبة لبدة الاسد مش حر وانت كمان حر

ومتعملش كل حاجة مرة واحدة عشان متسيبش كل حاجه مرة واحدة

ومعلش في الاول مش هتحس بحاجه بس لازم تبقي متيقن ان اكيد لية اثر بس لسة محستهوش واكيد لو داومت هتحسة في رمضان

ابتدي بالاذكار حط ورقة عالحيطة الي جنب السرير اذكا ر النوم اذكار الاستيقاظ وكم ذكر كدة من بتوع الصباح والمساء

طب والصلاة

وبعدين مش هتصلي برضة والحل دة رمضان جي والناس بتصلي قيام وتروايح وانت لسة بتفكر تصلي الفرض ولا لا

مينفعش بقي قوم شد حيلك وركز شوية

اللي لاهيك عن الصلاة دة ومخليك تقول معلش وبعدين وان شاء الله

صلي للي عنده كل الي لاهيك دة يعني ايه؟ يعني لو صليت انت بتصلي لله وربنا هو اللي بايدة ييسر لك الدنيا اللي انت عايز تسيبه عشانها

اطع الله يطعك كل شئ

طولت عليكو

طيب للحديث بقية بقي,,,
(علي فكرة يعني انتي عندك شيزوفيرينا)

طب واية المشكلة يعني اه عندي

مش معني اني مقصرة متكلمش في الموضوع يعني

ويا ريت تضيفلي وتفيدني في الموضوع دة وتشاركني برايك فية عشان زي ما قلتلك انا مقصرة وخلاص مفيش وقت!!!