الحل الأمثل لأزمة مرور اسكندرية
 

حل مرور اسكندرية في كلمتين هو( ازالة الترام ) ويتسفلت مكانه ويتعمل طريق موازي لشارع ابو قير حيبقي لوحده 7 ~ 8 حارات مستريح نعمله طريق اتجاه واحد للي نازل وسط البلد و شارع ابو قير يبقي عكسه و حيبقي 4~5 حارات و ساعتها ممكن تعمل كباري برحتك عند شارع سوريا و المعسكر الروماني و شعراوي و سيدي جابر اللي هما عاملين ازمه في اسكندرية بحالها طبعا اشارات بوكلي و جناكليس حتتلغي عشان مفايش تقاطع للترام ..... حيبقي طريق زي الكورنيش طريق مفهوش اشارات طريق حر

شوفوا انتوا كام حاره واخدها الترام لوحده ده طبعا غير حارتين علي اليمين و حارتين علي الشمال واحده منهم للركنه و التاني للسير

http://2.bp.blogspot.com/_c6Uukhy4cn...m-6%5B1%5D.jpg
http://www.subways.net/egypt/Alex-Tram01.jpg


وده شارع ابو قير 4 حارات فقط

http://aqarmap.com/photos/1341_%D8%A...9%8A%D8%B1.jpg


وديه صوره لجليم طبعا حارتين مقفولين و الحارتين التانين فاضين بس عشان فيه اشاره قدام

http://img705.imageshack.us/img705/9417/78695705.jpg


ده حيبقي طريق الترام لو اتسفلت كله مش اقل من 7 حارات اتجاه واحد زي الصوره تمام

http://3.bp.blogspot.com/_W6SBNKizfA...0/DSC00223.JPG


طبعا واحد حيقولي نعمل طريق مزدوج (طريق الترام) رايح جاي ؟

حقوله حيبقي ساعتها فيه اشارات و تقاطعات كتيره عليه و اللي عايز يطلع عالبحر و علي عايز يخش شارع ابوقير حتبقي زحمه و مشاكل مروريه للصبح برضه و لو تلاحظوا البحر دايما الحارة اللي نازلة للمنتزة دايما زحمه ليه عشان علها شوارع عموديه و اللي عايز يعمل U-Turn اما الحاره اللي نازله وسط البلد علطول فاضية عشان معلهاش تقاطعات و مش حينفع نعمل كباري لضيق المساحة علي شارع ابوقير لأنه حيبقي مزدوج هو كمان و كانك يا بو زيد ما غزيت


لكن كده طريق الترام مش مستغل بكله و كلنا متكربسين في شارع حارتين رايح و حارتين جاي و منهم حاره للمشاريع (ميكروباص) و حتي البحر بقي واقف من اول سيدي جابر لحد شعراوي ..... كده مش حينفع


طبعا فيه ناس حتقولي و الناس الغلابة اللي بتركب ترام ابو ربع جنيه تصيع ؟؟!!

حقوله لأ ممكن الحكومه تنزل مكانها اتوبيسات نقل عام تعمل بالغاز عشان توفر برضه و ب ربع جنيه و كمثريه و المفتشي الترام يشتغلوا فيه عشان منقطعش عيش حد.
و مينفعش مترو عشان حيتكلف مليارات و علي ما يتم فيها 10 ~ 15 سنة ده لو خلص وعلي ما يخلص حتكون اسكندرية قفلت ان شاء الله اما الحل الناتي هو شيل القضبان الحديد و بعدين يسفلتوا اعتقد حل غير مكلف بالمره.


انا الموضوع ده منقلتوش من حد ولا خدت فكرته من حد , ده موضوع خطر ببالي لأني قرفت فعلا من زحمه اسكندرية و معرفش تفكير ده صح ولا غلط و لو حد عنده اعتراض علي نقطه او فكره تانية ممكن يضيفها لعلي وعسي يتنشر الموضوع و يوصل للمسئولين.

واتمني لو تفكيري صحيح انه يطبق في اسرع وقت

م/أحمد وجدي

رد: الحل الأمثل لأزمة مرور اسكندرية
 

باش مهندس احمد احييك علي هذه الافكار الرائعة
كان نفسي المظاهرات و الاعتصامات برضه كانت تبقي لاسباب زي دي حاجات تنفع البلد بجد

رد: الحل الأمثل لأزمة مرور اسكندرية
 

رد: الحل الأمثل لأزمة مرور اسكندرية
 

رد: الحل الأمثل لأزمة مرور اسكندرية
 

انا مع راى المهندس نبيل من ناحية ان ترام الاسكندريه من علامات المدينه المميزه.....
ومع راى المهندس وجدى ان رفع الترام سيسهل الحركه المروريه لان بطء الترام مع المساحه التى يشغلها سيؤدى الى بطىء الحركه المروريه فعايزين حد عبقرى يوفق بين الرأيين....خصوصاًان مصر كلها عباقره...يعنى حاجه كده زى المترو النفق اللى بيفكروا يعملوه فى الصين.....واتفرج بأه عالحوادث يامعلم ..مع عفاريت الاسفلت بتوع الميكروباص اياهم.