بيان المجلس الاعلى للقوات المسلحة( و قد حدث ما توقعته )
 

اولا ده نص البيان

https://www.youtube.com/watch?v=Cqpg...layer_embedded

ثانيا البيان ده صدر بعد يوم من بيان الدكتور عصام شرف

https://www.youtube.com/watch?v=Sm7LRaK2bnY

و الذي كان الرد علي ما فيه صدمه لي و لملايين الشعب المصري

المتظاهرين او المعتصمين قاموا برفع الاحذية!!!! و اعتبروا كلام الدكتور عصام اهانة لهم!!!!!!!!!!!!!!!!!!!!!! !!!!!!!!!

انا مش عايز اشتم او اغلط لكن رد المعتصمين كانت اكبر صدمة ليا في جميع احداث الثورة المصرية

الدكتور عصام اصدر قرار بتلبيه مطالب المعتصمين راحوا اتريقوا عليه و قالوا عايزين جدول زمني
راح اصدر بيان واضح فيه جدول زمني واضح

3 ايام لاقالة قيادات الداخلية المتهمة بقتل المتظاهرين

اسبوع لتعديل وزاري يطرد فيه جميع وزراء الحزب الوطني و يحيى الجمل

10 ايام تغيير المحافظين الغير مرغوب بهم!!

قرارات تنفذ فوريا: تخصيص محكمة متفرغة لقضايا الفساد و المتهمين بالقتل للثوار - علانية المحاكمات - انشاء صندوق رعاية ضحايا و اسر شهداء الثورة - اصلاح هياكل و المؤسسات الاعلامية و الصحفية

و كان الرد مش عاجب المعتصمين و بيهددوا بالتصعيد!!!


انا كنت متأكد 100% ان قرارات الدكتور عصام كانت بعد مشاورات و فصال عنيف مع المجلس العسكري الذي يرفض تقديم تنازلات لانه يعلم ان مع تقديم تنازلات الناس سوف تطالب بالمزيد و سندور في حلقة مفرغة
لكن لان المطالب كانت في غلاف انساني و شرعي اصر الدكتور عصام على تنفيذها و اخيرا وافق المجلس عليها

لكن رد الفعل فعلا فاق الحد - انا مصدوم - و رد فعل المجلس العسكري انا كنت متوقعة و متوقع اكثر منه كمان للاسف - زي الاب لما يقعد يدادي في ابنه و يطبطب عليه و اخر ما يزهق يقوم يضربه - انا كان نفسي ما نوصلش للمرحلة دي - لان لو مدوا ايديهم علينا مش حيبطلوا ضرب و حتبقى دي الوسيله الافضل لهم - و حنرجع لزمن كان نفسي ننساه و نتجاوزه
امتى حنعقل ؟؟؟؟

اي حد مؤيد للاعتصام او معارض لكلمة الدكتور عصام شرف يا ريت وضح لي سبب اعتراضك و ما هي المطالب الغير مشموله في الخطاب و هل ما تم اغفاله يستحق التصعيد و الاهانات من المعتصمين تجاه الدكتور عصام و المجلس؟


انا في انتظار الرد

رد: بيان المجلس الاعلى للقوات المسلحة( و قد حدث ما توقعته )
 

الناس كانت عايزة رد من المجلس العسكري لانة الحاكم الحالي للبلاد وزي ما انت قلت رد د/عصام شرف جه بعد مفاوضات مع المجلس العسكري يعني كان الاولي ان المجلس العسكري اللي يرد - وبعدين هو لية عايز الوقت دا كلة عشان يعمل التغييرات الل بيتكلم عنها وكان فين من 5 شهور فاتت لية يخلي الناس توصل للحالة دي وبعدين يطلع قرارات لية دايما الحكام بيبقي عندهم رد الفعل مش الفعل ويسيبوا الناس لحد ما توصل للرد زون وبعدين يبتدوا يفكروا في حلول - المشكلة سيدي الفاضل مش عند الناس المشكلة عند اللي ماسكين البلد دي دايما متاخرين وردود فعلهم مستفزة - والمشكلة الكبيرة انهم لسة ماخدوش الدرس من اللي قبلهم مع ان الموضوع مش من زمان دا من 6 شهور فاتو - مافكركش د/عصام بنفس طريقة وتصريحات الرئيس السابق:shwt:

رد: بيان المجلس الاعلى للقوات المسلحة( و قد حدث ما توقعته )
 

مجلس القضاة يستجيب لمطالب الثوار بعلانية الجلسات وسيتم بثَّ وقائع تلك المحاكمات على شاشات (خارج المحاكم)، تُتيح سماعها ومشاهدتها لمن لم تتسع لهم قاعة المحكمة


http://profile.ak.fbcdn.net/hprofile..._2313083_q.jpg

قناة العربية

المجلس العسكري المصري: كل الخيارات مفتوحة لفض اعتصام التحرير
- لن نسمح بالقفز على الشرعية ولن نتخلى عن إدارة البلاد



مؤتمر أعضاء المجلس العسكري لن يذاع علي الهواء وقد بدأ بالفعل منذ نصف ساعة وسيتم إذاعته مسجلا في وقت لاحق.





رصد | مصر | الدكتور عارف الدسوقي نائب رئيس حزب الغد علي قناة المصرية يؤكد صحة ما نشرته الوفد أمس بخصوص ممدوح حمزة و قوله "المنصة دي بفلوسي

رد: بيان المجلس الاعلى للقوات المسلحة( و قد حدث ما توقعته )
 

رد: بيان المجلس الاعلى للقوات المسلحة( و قد حدث ما توقعته )
 

لولولولولولولووللولولولول ولولولولولولولولولي
ازغرط