|
خلاص مش عارف اعمل ايه ارجو الرد
انا جبت ستروين AX ومش عارف اعمل ايه روحت لميكانيكي يكشف عليها قبل ما اشتري وقالي زي الفل وروحت لواحد تاني وقال نفس الكلام وبعد ما اشتريت العربيه ماشيه كويس بس اللي يقولي عايزة مساعد واللي يقولي عايزة اسكترا وواحد يقولي فيها كهربا زياده لدرجه اني مش عارف اعمل ايه وكل اللي محتاجه من حضراتكم حد يقولي اعرف الحاجات دي سليمه ولا لا ازاي ( المساعدين - الاسكترا - الكهرباء - ولو امكن هل فعلا ااقدر اخالي العربيه تبقي بور ولا لا
|
رد: خلاص مش عارف اعمل ايه ارجو الرد
اولا مبروك على العربية وربنا يباركلك فيها ويكفيك شرها ...
بالنسبة لسؤالك .. المساعدين : لو العربية بتتنطط مع اى مطب يعنى مش ماسكة نفسها يبقى دى مشكلة مساعدين جرب تضغط على العربية من عند كل عجلة وشوف هيحصل ايه .. لو قعدت تتنطط يبقى المساعد بايظ .. وبرضو حاول تبص على المساعدين لو مساعد منهم مرشح زيت يبقى محتاج تغيير .... الاسكترا : لو الدريكسيون فيه مشكلة زى انه يكون تقيل زياده او مبوش (فيه بوش) او غيره ... الكهربا الزياده : لو حاسس ان الموتور صوته عالى ع السلانسية والعربية بتاكل بنزين اكتر .. ولو مش بتبطل بسهولة ولو الـ rpm فوق الواحد وهى سخنة (لو عندك عداد rpm) دى كلها اعراض الكهربا الزياده .... اما بالنسبة لانك تخلى العربية باور .. عمليا صعب حبتين وهيكلفك كتير .. وممكن الموتور يكون غير مجهز اصلا للباور .... يا رب اكون افدتك ..... |
رد: خلاص مش عارف اعمل ايه ارجو الرد
اقتباس:
|
رد: خلاص مش عارف اعمل ايه ارجو الرد
اخى الكريم
حضرتك تقول انت بتشتكى من اية فى العربية يعنى تقول اعراض ....انما كدة الموضوع مفتوح اوى ومش هاتستفاد وهاتحس ان كل الحاجات المسببة للاعطال موجودة فى عربيتك يبقى دلوقتى مفروض تقولنا انت بتشتكى من اية واكيد هتلاقى ناس كتير بتساعدك |
رد: خلاص مش عارف اعمل ايه ارجو الرد
اقتباس:
|
| الساعة الآن 09:04 AM. |
Powered by vBulletin® Copyright ©2000 - 2025, Jelsoft Enterprises Ltd.
www.MasrMotors.com ™ Copyright ©2008 - 2025
Egyptian Automotive Community
جميع الحقوق محفوظة - مصرموتورز 2008 - 2017