مصر موتورز مجتمع السيارات - صيانة ال1000 كيلو فيرنا ... استفارات

اقتباس:

المشاركة الأصلية كتبت بواسطة AHMED.AFIFY (المشاركة 470835)

السلام عليكم
يا جماعه انا عايز اعمل صيانة الألف لعربيتى فيرنا 2011
عابز اعرف اعمل ايه انا لسه جديد
اعملها فين قريب من المعادى و بكام و بحجز و لا لأ
ياريت اللى عنده فكره ينورنى عشان مش عارف
و لكن جزيل الشكر

اولا اهلا بيك يا ابو حميد معانا في قسم الفيرناوية

ثانيا الف مبروك علي العربية وربنا يديك خيرها ويكفيك شرها

ثالثا حضرتك بتتصل برقم 16101 وتحجز ميعاد صيانة في المكان اللي يريحك وانا بفضلك ابو رواش اول طريق مصر اسكندرية الصحراوي او ابو غالي في العبور

بعد ما حضرتك بتحجز اليوم والميعاد بتحضر نفسك قبلها بيوم وتكتب كل ملحوظه شوفتها في العربية علشان تكتبها في التقرير بتاعهم زي الزوايا والترصيص اي مشكلة انتا شايفها اكتبها حتي ولو كانت من وجهة نظرك مش عاملالك قلق

الافضل طبعا تحجز الصيانة الصبح بدري وتحاول تروح الاول علشان متتاخرش في استلام عربيتك

طبعا الصيانة ديه مجانية مش هتدفع جنيه مصنعيه بس هتحاسب علي تمن الزيت والفلتر فقط

حضرتك نصيحة حط في الصيف زيت 5000 وفي الشتاء 10000 كيلو

متمشيش العربية الا علي بنزين 92 علشان تحافظ عليها

طبعا بعد ما تستلم العربية من المركز طبعا بتجرب كل حاجه كنت بتشتكي منها لو لقيتها لسه المشكلة موجوده ترجعلهم تاني ومتمشيش الا لما يحلوها

وربنا يوفقك ويديك خيرها ويكفيك شرها وياريت تقولنا اخبرها ايه معاك