تكييف النوبيرا
 

السلام عليكم
ناس اصحابى ركبوا معايا النوبيرا يوم الخميس و كنا رايحين كتب كتاب
المهم الجو كان حر و كله فضل يشكر فى التكييف
يوم الاحد باشغل التكييف ماشتغلش
جريت على بتاع التكييقات
ركب العدادات اللى بيقيسوا بيها
لقى الفريون موجود لكن قاللى البلف هو اللى باظ اللى فى الكمبروسيور
غيرت البلف ب 95 جنيه و 200 جنيه قريون
كنا بالليل و هو بيشحن و مشغل التكييف على 4 و العربيه تلجت
تانى يوم طالع من شغلى الساعه 5 شغلت التكييف كالعاده و جبته على 2 زى مانا متعود
لقيته زى الزفت و ضعيف جدا
عديت عليه و شافه و قاللى المفروض تجيبه على 4 فى الاول
لكن انا مش مقتنع بكلامه و شديت معاه و قلتله دى عربيتى و انا عمرى ماجبته على 4
و دايما 2 بيكون كويس قوى بالنسبه لى
المهم لما بابطل التكييف و ابطل العربيه باسمع صوت زىى التنفيس كده
مش عارف ايه الصوت ده
انا حاسس انها ناقصه شحن
ايه رأيكم

رد: تكييف النوبيرا
 

التكيف بتاعك اتنظر..ابقي بخر العربيه.هههههههههههههه
روحله تاني وطلع عينه..طالما اخد اللي طلبه يبقي انتي كمان تاخد اللي تطلبه
تقبل مروري

رد: تكييف النوبيرا
 

روح لواحد تانى وخد رايه

رد: تكييف النوبيرا
 

الله يلعن العين والله ما جايب العربيات ورا اللى العين سلام قول من رب رحيم
والله ما هزار بس فعلا حط الرقية الشرعية وشغالها وقران انا عارف انة ملوش دعوة اكيد فى عيب ميكانيكى بس العين تفلق الحجر

رد: تكييف النوبيرا
 

رحت للراجل تانى
و قلتله كده مش هاينفع
راح و حط المقاس
قاللى المفاجاءه
الكباس ده كبسه ضعيف و بيودع خلاص
قلتله لغايه يوم السبت كان تلاجه
قاللى هو عمره كده ابقى خلى المروحه على 4 و خلص على الكباس و بعدين ابقى هات كباس تانى

سبته و رحت لواحد تانى
حط المقاس
قاللى ايه ده دة مافيش سحب خالص
البلف ده بايظ
و فضى الفريون و غير البلف و شحن و اخد 250 جنيه
و مشيت من عنده
و التكييف حلو بس برده مش زى الاول
اخدت مراتى و رحت زياره عائليه و نزلت بعد ساعتين
لقيت التكييف رجع لاول قصه تانى
حسبى الله و نعم الوكيل