مصر موتورز مجتمع السيارات - شاركنا حلمك - عرفنا بنفسك

مصر موتورز مجتمع السيارات (https://www.masrmotors.com/vb/index.php)

- استراحة مصر موتورز (https://www.masrmotors.com/vb/forumdisplay.php?f=9)

شاركنا حلمك - عرفنا بنفسك - دعوة لجميع اعضاء مصر موتورز !

الفكرة دي جت في دماغي كتير و دايما مكسل اتكلم عنها
مع انها فكرة جميلة جدا و بسيطة و تقربنا من بعض
و في نفس الوقت ممكن نفيد بعض بيها

بكل بساطة نتعرف على بعض عن طريق سياراتنا

1- ممكن تذكر لنا سيارتك الحالية (مميزاتها و عيوبها ) و سبب اقتناءك لها بكل صراحة

2- تقولنا حلمك في السيارة القادمة ( حتى لو بتحب سيارتك ) ما هي السيارة اللي لو ربنا رزقك و وفقك تفكر تجيبها؟
بكل منطقية و واقعية ( مش عايز حوارات هامر و بورش و بتاع ) و اسباب تفكيرك في السيارة القادمة بالذات - يعني ايه اللي يخليك تفكر فيها و ايه اللي يخليك تتردد

شاركوني الحوار و خلونا نتعرف على بعض اكثر :01FDAB~189:

ملحوظة:

ممكن تذكر اكثر من سيارة سابقة و حالية
و ممكن تذكر كذا خيار لسيارتك المستقبلية

رد: شاركنا حلمك - عرفنا بنفسك - دعوة لجميع اعضاء مصر موتورز !

16 زميل قرأ الموضوع و كسل يكتب كام كلمة مشاركة منه في الموضوع
يا جماعة الموضوع شيق و مفيد لكل الاعضاء - اختياراتك و قناعاتك قد تكون مفيدة للاخرين و مفتاح لهم لاختيار صائب
مش حطلب مشاركة تاني - انا بقولها مرتين -و التالتة انتوا عارفين

:fun_36_3_1[1]:

رد: شاركنا حلمك - عرفنا بنفسك - دعوة لجميع اعضاء مصر موتورز !

حبيبي ممفور وان شاء الله اكون اول مشارك معاك
طبعا سيارتي الحاليه غنيه عن التعريف الجميله انجلون وهي من اجمل السيارات اللي اقتنتها وكل قبلها علطول الاصيله هيونداي اكسيل وقبلها لانسر وريجاتا و132 وبيجو و125 و مازدا 84 وحاجات كتير بصراحه مش فاكرها والعربيه دي جبتها عن اقتناع تام انا كنت رايح اجيب اوبترا او لانسر او حاجه من اللي معرفه دي واتصدمت لما شوفت الانجلون وعرفت سعرها وامكانيتها واوبشن جامد مش موجود غير في مرسيدس وبي ام ورغم تحذيرات كتير توكلت علي الله وحجزتها العربيه كلها مميزات من اوبشن رهيب لثبات رائع لموتور جبار لسحب رائع لصوت مخيف وحاجات كتير قوي من هنا للصبح وبعد سنه اقدر اقول وبكل ثقه انها افضل عربيه ركبتها فحياتي الي الان اما عن العيوب فهو عيب قاتل وهو ان الناس اللي الان عندها عقده الخواجه ابو عين ضيقه (الصيني ) رغم انها تصميم مصمم ازياء انجليزي مش متذكر اسمه وتخطيط وتصميم شركه فولفو وتقفيل صيني بس الناس بتقول صيني طب وماله صيني صيني بس عربيه مش ولاعه وفلوسها فيها واحسن من كوري كتيييييييييير قوي وبرده التابلوه كان ممكن يكون احسن من كده رغم انه عاجب ناس كتير لبساطته ووضوحه
اما عن حلم المستقبل
فانا حلم حياتي واقصي اماني عمري مرسيدس s500 و ان شاء الله مش حغير الانجلون الا لو ربنا كرمني ووسع عليا وقدرت اجيب المرسيدس ومافيش حاجه بعيده علي ربنا ابدا لاكن حاجه تانيه لالالا لان الانجلون فيها اللي مكفيني وزياده

رد: شاركنا حلمك - عرفنا بنفسك - دعوة لجميع اعضاء مصر موتورز !

انا السيارة كيا برايد الهاتشبك (العصفورة مش عارف ليه) تعتبر اول سيارة فى حياتى وانا كان نفسى اجيب سيارة ايديا زيرو كان عليه عرض ب 39 الف وكانت عاجبنى جدا بالسعر ده لانى عالية عن الارض وعربية 1100 سى سى يعنى استهلاك خفيف البنزين ولكن بابا منعنى من التفكير فيه لعدة الاسباب (سيارة زيرو مش معروفة اكيد ملهاش قطع غيار مش منتشرة بالشكل الكافى عدم توافر اماكن بيع ولانى اول مرة اسوق فى حياتى فخايف من الخبطات وانه صينى) وحبيت جوليت ايضا ولكنه لم تعجبه ايضا لانه ساق لانوس كتير فحبيت بونتو ولكنه كانت غالية ولكنه عاوز سيارة لاتعلم السواقة وصغيرة فى المدينة كان عاوز يجيب 128 بس انا لم ارضى وكان طالع كلام عن كيا والسيارات الجديدة من سنتين فحب يشوف كيا بيكانتو ولكنه راى انه غالية وصغيرة اوى فصرف نظر ولكن راى فى الوسيط اعلان عن كيا برايد العصفورة فسال عليه معارفه فناس شكرت فيه فراح يشوف السيارة هو وماما من غير ما يقول اى شى ودفع مقدم وانا لم اعرف شى ولكنى عرفت لما قالى تعالى معى والاسرة كله لكى يستلمه وبس عربية اكثر من ممتازة من وجهة نظره الصغيرة وقطع غيار متوفرة بس مش زى هيونداى او دايو عالية عن الارض وتستحمل اسرة كبيرة بس موتور مش قوى بالشكل الكافى وبرده مش ضعيف يعنى حلو على حجم السيارة يعبيه عفشته ضعفية شوية كمساعدين كبالن بس غير كده هى كويسة فى الختام شكر وتقديرعلى المواضيع المتميزة

رد: شاركنا حلمك - عرفنا بنفسك - دعوة لجميع اعضاء مصر موتورز !

أنا بقه جبت أخرى فى السيارات بعد أن ركبت عدة ماركات منذ صغرى وحتى الآن حتى استقريت على السيارة تويوتا كورولا mmt جنوب أفريقى وهى سيارة ممتازة حسب رأيى المتواضع ولكن لخوفى عليها لأنى شاريها بـ 145000 من سنتين حاططها فى مكان آمن بجراج عمارتنا ومابخرجهاش الا لو فيه مشوار سفر بس ، وكان نفسى أجيب سيارة صغيرة OPEL corsa هاتش باك لتنقلاتى الخاصة ولكن الموجود فى السوق مستعمل ، وأخيراً جبت هيونداى جيتز موديل 2010 وهى سيارة ممتازة 1600 كامله