مصر موتورز مجتمع السيارات

مصر موتورز مجتمع السيارات (https://www.masrmotors.com/vb/index.php)

- شيرى إسبيرانزا CHERY SPERANZA (https://www.masrmotors.com/vb/forumdisplay.php?f=43)

- - شهاده من مالك A15 (https://www.masrmotors.com/vb/showthread.php?t=6194)

شهاده من مالك A15

السلام عليكم
انا مالك للسياره A15 BASIC واشهد ان السياره فوق فوق الممتازه ولكن انا ندمت لشرائها لانى اخدت مقلب كبير من ناس ماعندهاش ضمير وبيتاجروا بمدخرات المصريين الغلابه لان السياره ليس لها اى قطع غيار خارج التوكيل حسب علمى والتوكيل اكثر من سئ ولا هم لهم الا استنزاف من اوقعه حظه العثر تحت ايديهم فقطع الغيار نار ومبالغ فى اسعارها وغالبا غير موجوده ولاهم لهم الا استنزاف الزبون بدون تقديم اى شئ مقابل المبالغ المدفوعه ولا وجود للكذبه الكبرى المسماه بالضمان فلا ضمان ولا يحزنون واتمنى من كل قلبى ان تنضم هذه السياره الرائعه الى ابو الفتوح حتى نتمتع بها ونتمتع بما يقدم لحائزى الاسبيرانزا التى هى من نفس الشركه نتمتع مثلهم بالخدمه وتوافر قطع الغيار والى ذلك الحين لا انصح اى مصرى غلبان مثلى بشراء هذه السياره وهى فى قبضه هؤلاء حتى لا يفقد تحويشه عمره وحلمه الذى طالما راوده فى امتلاك سياره العمر اسف للاطاله ولكن انا دمى محروق سامحونى

رد: شهاده من مالك A15

فى الحقيقه أخى جزء كبير من الخطأ يقع على عاتقك أيضا

عند شراء سياره جديده لابد من تجميع ما يمكن من معلومات عنها ومن بين تلك المعلومات هناك واحده مهمه جدا تخص مدى انتشار السياره

اسبيرانزا بعيدا عن انها تتبع ابو الفتوح او غيره من السيارات اللتى يمكن أن نقول عليها منتشره حاليا - بل وسوف تنتشر أكثر وأكثر بعد اعتمادها كسياره رسميه من المسموح بالتغيير اليهم بتسهيلات بالنسبة لمشروع استبدال التاكسى القديم - وعلى هذا الأساس قام العديد من التجار باستيراد قطع الغيار وهكذا أصبحت متوفره خارج التوكيل وبأسعار منافسه وليس فى المدن الرئيسية فقط بل و فى المحافظات أيضا

وطالما هناك سحب سوف يزداد عدد تجار قطع الغيار بعيدا عن التوكيل أكثر و أكثر

أما فى حالة ال A15 فيمكنك بمجرد متابعة الشوارع رؤية انها نادره نوعا وعلى ذلك لن ينطبق عليها نفس الظروف اللتى سبق شرحها للإسبيرانزا

عموما خير ان شاء الله وانا من رأيى ان الإنسان مش بيتعلم بالساهل ولو المشكله دى استمرت بيع العربيه وغير لإسبيرانزا 516 أو حتى 113 ومع الوقت هتعوض خسارتك بفرق أسعار قطع الغيار و توفرها

ومعذرة على الإطاله

تحياتى

رد: شهاده من مالك A15

معرفش ليه الصين بتدى توكيلات لناس تسىء لسياراتهم على الرغم من جوده بعضها ولماذا هذه الاسعار المبالغ فيها الصينى ارخص من كده بكتير

رد: شهاده من مالك A15

أولا اخوانى اشكركم على المرور وفعلا عندكم انتم الاتنين حق ورايك صائب اخى ابو نورا انا اللى استاهل ولكن نان كل ذنبى انى حلمت زى اى انسان فى اى بلد فى العالم بامتلاك سياره واعتقد انه حلم متواضع جدا ولا يرقى لمرتبه الحلم فى معظم بلاد الدنيا ولكن فى البلد دى ربنا معانا ولا اقول الا حسبنا الله ونعم الوكيل ولكن تحذير الباقين واجب لعدم الوقوع فى الفخ وشكرا لك

رد: شهاده من مالك A15

ربنا يعوض عليك ويقلل خسائرك وكمان أعطالها وعلى فكرة ممكن تبلغ عنهم جهاز حماية المستهلك وهم هيخافوا واسأل مجرب واحد صاحبي كان شاري اسبرانزا والبطارية باظت قبل نهاية أول سنة وكانوا مش عايزين يغيروها قلهم هبلغ عنكم ومش هسكت
قالوا أحنا مابنخفش وتاني يوم غيرولوا البطارية
فلماذا لا تجرب وتشتكيهم بالفعل وتفضحهم وهما كل يوم بيعلنوا عن العربية علشان يبعوها