مفتاح مانع السرقه لسبرانزا 113 والسرينه
 

السلام عليكم يا جماعه/
سمعت ان ممكن الكهربائى يركب مفتاح في دائره كهرباء الموتور يخلي العربيه ماتدورش لما يكون مفتوح والعربيه تقعد تعتل بس اكن البطاريه نايمه سؤالي انا عندي اسبرانزا 113 فهل لو ركبته ده ممكن يؤثر علي السينسورز او اي حاجه في العربيه وايه احسن مكان في عربيتي اقدر اركبه فيه ولو ممكن ايه احسن انواع موجوده من المفاتيح وتنصحوني بايه ايضا لو عايز اغير سارينه العربيه عشان ضعيفه اوي وشكرا

رد: مفتاح مانع السرقه لسبرانزا 113 والسرينه
 

للفائده يا جماعه الحمد لله ركبت مفتاح فصل علي دائره الموبينه وامرها سهل جدا بس عايزه كهربائي نضيف - الفكره انه هيركبلك المفتاح ده بين علي فيوز الموبينه ومش هيأثر علي حاجه خالص وتيجي تدور العربيه هتعتل ومش هتدور كانها مافيهاش بنزين والمفاجاه ان كل الحاجات تمنها 15 جنيه بالمفتاح ولو صنيعي كويس هيعملهالك بحيث ما تبانش يعني السلك وكل حاجه هتاخد منه ساعه ومصنعيه 40 جنيه وده حاجه بسيطه جدا لو عرفتو ان تمن العصايه اللي بتقفل الدركسيون بقي 100 جنيه جمله