اودي تنافس البي ام دبليو في عربيات الدفع الرباعي
في وسط الخرب بيت اودي وBMW قررت اودي انها تطلق 3 انواع من العربيات ذات الدفع الرباعي علشان تبقي قد المنافسه اللي هتدخلها مع ال BMW وعلشان السوق مفيهوش يا امي ارحميني
النوع الاول : Q1 الصغيره وهي هيتم تصنيعها لتنافس BMW X1 بالدفع الرباعي وتتصمم Q1 بقاعده عجلات A1 ومن المتوقع انها تكون موجوده علي ارض الواقع في 2013 -2016 النوع التاني : Q6 هتنافس ال BMW X6 وهتكون من قاعده عجلات من Q5 و تصميمها هيكون فريد من نوعه علشان تكون قد المنافسه اللي هتدخل فيها مع X6 وخصوصا انها ليها نجاح كبير في السوق وهيكون المحرك بتعها سعته 2 لتر TFSI بقوه 220 حصان وواحد تاني V6 هيكون بسعه 3 لتر وبقوه 300 حصان و 400 نيوتن ويتوقع انطلاق العربيه دي في 2016 النوع التالت Q3 وفي خناقه دلوقتي في اودي عليه في ناس عايزاها تكون عربيه بثلاث ابواب وناس عايزنها تكون ذات طابع رياضي شرس ب 2 ابواب لم تعلن اودي رسميا عن الانواع التلاته وعلشان نتاكد بقي من الحوار ده يبقي ربنا يدينا طولت العمر ونشوف في سنه 2016 |
الساعة الآن 06:03 PM. |
Powered by vBulletin® Copyright ©2000 - 2024, Jelsoft Enterprises Ltd.
www.MasrMotors.com ™ Copyright ©2008 - 2024
Egyptian Automotive Community
جميع الحقوق محفوظة - مصرموتورز 2008 - 2017