عاوز حل لتيل الفرامل للبيرسونا
 

انا اشتريت تيل فرامل من التوكيل بـ 490 امامي وخلفي وهناك قالولي انه مش الاصلي ركبته ما كملش 5000 كم نزلت الحرفيين اشتريت تيل امامي بـ 130 جنيه وقالي في نوع تاني بـ 100 من محل عليه يافطة بروتون ركبت التيل ولحد الان بقالي حوالي 20 يوم والتيل بيصفر صفارة غريبة وصوته مزعج روحت لميكانيكي كشفت عليه قالي التيل لسه زي ما هو بس المشكلة ليكون التيل ناشف جدا لدرجة ان الطنابير هي اللي بتتاكل مش التيل اللي بيتاكل تبقي مشكله ونصحني قالي غير التيل ده مع العلم ان الفرامل ممتازة بتمسك كويس جدا مفيش حل للتيل ده ولا ايه افيدونا من فضلكم يا ملاك البروتون

رد: عاوز حل لتيل الفرامل للبيرسونا
 

ايه يا جماعة عدم الرد يعني حاجتين يا اما انا بقول شئ تافه والكل متجاهله والحل بسيط بس انا اللي مش شايفه يا اما الكل بيعاني من نفس المشكلة وبتقولو هو انت لازم تفكرنا

رد: عاوز حل لتيل الفرامل للبيرسونا
 

انا كمان عندى برسونا موديل 2009 وحصل معايا نفس المشكلة , اول ماجبتها مكنش فى اى مشكلة وبعدين مع اول غيار لتيل الفرامل حصل الصوت ده ومن ساعتها موجود مع ان انا مغيره فى التوكيل وسألت لانى خفت على الطنابير تتاكل بس قالولى لا , مش عارف اعمل ايه ؟؟؟

رد: عاوز حل لتيل الفرامل للبيرسونا
 

غالباَ ما بيحصل تصفير من اى تيل جديد ايا كان نوعة ان شاء الله يكون راكب فى مرسيدس
واى تيل بياخد شوية وقت علشان يطبع على الطنابير
طبعاً الموضوع ده كله نسبى وداخل فيه ظروف التشغيل طبعاً فمقدرش اقولك غير انك تستنى عليها 1000 كم بالكتير وتشوف الصوت هيفضل موجود ولا لاء

وده يتضمن انك بصيت على التيل ولقيت كله تمام وجرب تقرص على الفرامل كام مرة لحد ما تسمعها بتصرخ

رد: عاوز حل لتيل الفرامل للبيرسونا
 

للاسف التيل الجديد كله بيستخدموا فيه بودرة نحاس او رصاص عوضا عن الاسبستوس لان الاسبستوس ممنوع عالميا لاضراره على الصحة برغم انه كان افضل مادة لصناعة الفرامل
لما تشتري تيل جديد مش مهم السعر اهم حاجة تفرك فردتين التيل ببعضهم و تشوف - لو نزل بودرة و الصوت مكتوم يبقى تيل طري مش حيبوظ الطنابير
لو التيل عمل صوت حكة معدنية و منزلتش بودرة يبقى تيل ناشف ياكل الطنابير