|
طقم شنابر والعمرة
السلام عليكم ورحمة الله وبركاتة
برجاء المساعدة اخوانى الكرام للاسف عدت من التوكيل بعد اجراء صيانة ال 60000 واحمل معى هم وحزن شديد لقد ابلغونى بضرورة اجراء عمرة تحديدا تغيير طقم شنابر لخروج بخار الزيت بكثافة من خرطوم فايص الزيت وهو دة اللى كان مأثر على السحب الله يسامحة اخويا اللى ركب العربية سنة ونصف واهمل فى الزيت والمياة وسبب المشكلة دلوقتى التوكيل قالى بداية الكلام 3500 جنية طقم شنابر ونشوف لو فى حاجة تانية محتاجة انا مستغلى المبلغ جدا خصوصا انى سألت على طقم الشنابر ب 500 جنية الاصلى واكيد الجوانات لن تتعدى 300 جنية لذلك بماذا تنصحونى زمل نصحنى بالاصلاح خارج التوكيل حيث ان التكلفة لن تتعدى 1500 جنية انصحونى ارجوكم للاهمية خاصة انى خرجت من الضمان ومستعجل على الاصلاح |
رد: طقم شنابر والعمرة
السؤال الاضافى ما هى الاجزاء اللى ممكن تكون محتاجة تتغير او تكون باظت مع طقم الشنابر خاصة ان الزيت كويس بس البخار بيطلع من خرطوم الفايص
|
رد: طقم شنابر والعمرة
نصيحة قبل الاقدام على خطوة زى دى وديها لميكانيكى محترم و ثقة و لو فعلا محتاجة عمره يبقى بره التوكيل ارخص و لو عند واحد كويس حتبقى نفس جودة الشغل زى التوكيل
|
رد: طقم شنابر والعمرة
اقتباس:
وانا افضل برة التوكيل لانهم بيدو سعر خرافى والله تحس انهم بيضربو الزبون بمفتاح 32 على دماغة بالنسبة لسؤالك الاضافى لازم نشوف الشمايز هل معتبة ( فيها بيضاوى ) ولا لا ...... وعلى افتراض انها معتبة ما تقلقش الابع شمايز مش هايعدو 250 جنية فى حاجة كمان وش السلندر لازم يتعملة رودية ويتغير الجلد بتاع الصبابات ودى حاجة مهمة جدا وربنا يكرمك تقبل تحياتى |
رد: طقم شنابر والعمرة
ياعم الحاج الموتور كله ب 2500 ج استيراد وهتركبه ومش هتلمس مسمار فيه ولا وجع دماغ مع الميكانيكى
|
| الساعة الآن 07:00 AM. |
Powered by vBulletin® Copyright ©2000 - 2025, Jelsoft Enterprises Ltd.
www.MasrMotors.com ™ Copyright ©2008 - 2025
Egyptian Automotive Community
جميع الحقوق محفوظة - مصرموتورز 2008 - 2017