العربية والشمس
 

يا جماعة ربنا قسم لى أعيش فى شقة على شارع عمومى واسع. الشمس صيف وشتاء تملى الشارع من الساعة 7 صباحا ولحد الساعة 4 او 5 مساءا كل يوم. العربية تحت البيت والشمس ضربة فيها كل الأيام. أنا مغطى العربية بغطاء قماش بس رقيق جدا زى ما يكون شاش ( اتخميت فيه). دلوقتى عاوز أعرف ضرر الشمس على العربيات. هل ممكت تسيح سلوك أو تبوظ الدهان ولا أيه. الحقيقة مش بخرج بالعربية إلا نادرا وصعبانة على وقفتها فى الشمس بطولها كدة كل الأيام ولمدة شهور لحد دلوقتى....

بفكر انقلها لشارع جانبى ولا حاجة ولكن كدة هتكون بعيد عن عينى ولو حصل لها حاجة مش هلحقها.....

هل لو أشتريت غطاء قماش تقيل يعمل حاجة؟؟ والقماش احسن ولا الوتر بروف أحسن فى الظروف اللى زى دى.....

رد: العربية والشمس
 

اشترى غطا وتر بروف فضى .. وانسى موضوع اضرار الشمس دى
ممكن كمان تسيب 2 ملم من الزجاج مفتوح ودة حيسرب الحرارة من جوة العربية باستمرار
ومش حتسخن ولكدة تكون قضيت على اى اضرار من الشمس على العربية سواء جوة او برة

رد: العربية والشمس
 

ماشى الحال نجيبة لو دة الحل. ولكن الغطاء من قوة الشمس دى مش يطرقع بسرعة ويدوب فى كام شهر. وكمان يوصل الحرارة بسهولة لانه رقيق. أنا كنت هجيب غطاء قماش من اللى بيتعمل منهم الخيام. فى وكالة البلح بيتباعوا وفى تجار كمان فى حته قبل المؤسسة بأين.. ايه رأيكم يا رجالة، نخلينا فى الوتر بروف واللى القماش اللى يخفف عن المسكينة دى حرارة الشمس دى...

رد: العربية والشمس
 

معايا يا رجالة ولا ايه؟

رد: العربية والشمس
 

طبعا مش هينفع ووتر بروف لأنة طبقتين وهيعرق جسم العربية ويأثر على البوية والحل الأمثل هو الغطا القماش المعقول مع تهوية الزجاج ووضع وش العربية فى عكس اتجاة الشمس او تدور على غطا قماش يكون فاتح او ابيض وممكن تفصلة عند سروجى دة هيبقة ممتاز ولو العربية تستاهل اجر لها جراج