|
ماهى اسعار الجاك وخصوصا الجميلة b15
السلام عليكم
انا ناوى اشترى عربية قريب وبعمل مقارنة وكنت عاوز اعرف اسعار الجاك b15 واخبار التوكيل اية واسعار قطع الغيار وهل الجاك افظل ولا الbyd ولا الlifan 620 ارجو الرد للاهمية وبسرعة:fun_36_3_16[1]::waving: |
رد: ماهى اسعار الجاك وخصوصا الجميلة b15
اخر اسعار الجاك كان 84 الف وياريت تسأل خدمه العملاء فى التوكيل
|
رد: ماهى اسعار الجاك وخصوصا الجميلة b15
استاذى الفاضل اهلا بيك فمنتدى جاك اولا
قرار الشرا راجع لشخصك قبل اى حد وبتفرق احتياجات كل شخص عن التانى يعنى مثلا الجاك عربية عائلية بموتور كويس ووسع رهيب وشكل فخم وكماليات فوق المعتادة وبجودة كويسة عن مثيلاتها فى السعر المفروض حضرتك تحدد احتياجاتك يعنى مثلا لو حضرتك شاب ومعاك 80 الف جنية؟؟ مش هنصحك تجيب الجاك لان الشباب لية عربياتة رغم انى شايفها عربية شابة جدا بتصميم ايطالى عالمى لكن الشباب مثلا يبفى فيات بونتوا ايفو كدة بروح السرعة والتهور للشباب دة على سبيل المثال اما لو عربية عائلية فهتلاقى الجاك بتتفوق من وجة نظرى الشخصية على مثيلاتها وسع كويس صالون مريح موتور كويس شكل فخم امكانيات جميلة وفوق دة كلة وكلة وركز فى الى جاى ان الحمد الله بفضل الله محدش اشتكى منها والجاك مثلا مفيش منها اوتاماتيك ويمكن يكون الاوتوماتيك راحة ليك فتروح للبى واى دى الى انا شايفها عربية محترمة جدا ومبيعاتها نار فى الصين ممكن مثلا تكون مش مفضل التجميع المحلى الى موجود فى البى واى دى وفعلا فى فرق اكيد بين تجميع البلد المنشأ وتجميع مصر وهديك مثال دة فديو لتجميع الاسبيرانزا فى مصر http://www.youtube.com/watch?v=t5cLjUuf_Rk ودة فديو لتجميعها الجاك فى الصين اكيد هتلاقى فرق واضح وصريح http://www.youtube.com/watch?v=M_tq7sddWPk انا مش بعيب فدى ولا فدى بس اقصد انك تحط اعتباراتك قدامك لان قرار شراء سيارة قرار مهم الشاهد من الموضوع عشان مطولش عليك ان احتياجاتك هى الى بتحدد نوع العربية قبل اى شئ اما بخصوص السيارات الى حضرتك عارضها فوجة نظرى الغير ملزمة انك تنزل بنفسك تشوف الثلاث عربيات وتسأل ملاكها ومش عيب انك تستفسر منهم بالعكس الجميع هيبقى سعيد انة يساعدك فقرارك ورأىى الشخصى الغير ملزم ليك 1 - الجاك 2 - البى واى دى (اوتوماتيك ) 3 - الليفان والله واعلم تحياتى ليك |
رد: ماهى اسعار الجاك وخصوصا الجميلة b15
بص يا باشا : مختصر الكلام . لو انت بتدور على السعر يبقى السياره BYD عربيه معقوله جدا . ومش لعيب فيها وانما فقط تجميعها المحلى هنا . ولو حضرتك عايز عربيه عائليه كبيره وفخمه فده حايكون اعلى فى السعر لأنها تجميع الخارج وكل مكوناتها من بلادها . وعلى فكره فى موديلات فى الجاك غير الـ B 15 بس حاتكون أقل فى سعة الموتور 1300 CC وطبعا أقل فى السعر كمان .. ومنها السيدان والهاتش .
ربنا يوفقك ان شاء الله . |
رد: ماهى اسعار الجاك وخصوصا الجميلة b15
:shyy: Sorry ,, but what did you mean
|
| الساعة الآن 11:05 PM. |
Powered by vBulletin® Copyright ©2000 - 2025, Jelsoft Enterprises Ltd.
www.MasrMotors.com ™ Copyright ©2008 - 2025
Egyptian Automotive Community
جميع الحقوق محفوظة - مصرموتورز 2008 - 2017