مصر موتورز مجتمع السيارات - أسعار الجمارك مرتفعه ليه ؟؟

السلام عليكم ورحمة الله وبركاته

ازيكم يا احبتي الكرام والله وحشتوني جدا جدا

النهارده انا عاوز استفسر عن حاجتين بجد مخلياني متغاظ جدا
اولا

الجمارك :110105~127:

الجمارك ليه بتاخد كل الفلوس دي لما حد يشتري عربيه من الخارج
يعني لو جيبت عربيه لانسر يشترطو انك تكون المالك الاول وان العربيه تكون بقالها 3 سنين بس من تاريخ السنه الحاليه
اكتر من شرط مقرف
وبعد كل ده تلاقي ان الجمرك على العربيه تعدى الـ60.000 جنيه
الالالا!!!!
طب مانتو بكده كده حتخلو المستهلك عرضه لجشع التجار هنا وتحكمهم فيه
يعني العربيه بره لاتتعدى الـ 9.000 $ يقوم الوكيل هنا بإضافة الطاق 4 عليها
وطبعا ده مكاسب داخله لصاحب التوكيل بشكل رهيب

يجي حد يقول ما العربيه لما تشتريها من هنا بتشغل عجلة الاستشمار وتنفع البلد
طيب ما العربييات لو جايه من بره ماهي برضه حتفيد البلد
يعني حتستهلك قطع غيار وصيانه وبنزين من مصر وده برضه مكسب مش قليل خالص
يبقه ليه تخلو اللي يقدر يشتري من بره يقف ومايشتريش لانه مش حيقدر يشتري من جوه البلد
وتبقو انتو اصلا اللي وقفتو في وش عجلة الاستثمار !!!!!!!!

ثانيا
اشتراط تاريخ معين للعربيه
كتير مننا نفسه ومنى عينه يركب عربيه كلاسيكيه او من عربيات الـMuscle car
ودي عربيات كلنا عارفين انها رغم انها موديلات الـسبعينات والستينات
الا ان الاجانب بيروقوها ويعدلو فيها ويركبولها مواتير جديده تخلي العربيه اقوى من عربيات دلوقتي وأشد منها
يعني انا كان قدامي عربيه فورد موستانج GT350 موديل 1967 في السعوديه وكان سعرها يجنن والعربيه ممشيتش اكتر من 29.000 كيلو لانه كان رافعها
لكن للأسف مقدرتش اني اشتريها لمجرد ان الجمارك عندنا مش حتدخلها مصر
امال اشمعنه سمير الصفتي معاه 14 عربيه Muscle car؟؟؟:shwt:

وكان قدامي كامارو 1968 ونفس السبب منعني
يعني كل الدول اللي حوالينا مسهله انك تدخل العربيات حتى لو كانت قديمه
واحنا بنحتقر ونمنع العربيات دي انها تدخل رغم انها عربيات بتنال تقدير العالم كله وليها عشاق في كل دول العالم !!! وادخلو جوجل وشوفو المعجبين بيعملو في عربياتهم ايه

http://www.musclepricecars.com/image...uscle-Cars.jpg

دي الحاجات اللي بجد خانقاني ونفسي تشاركوني فيها بالنقاش

وشكرا لكم