مصر موتورز مجتمع السيارات - من اليوم لن اتحدث عن شكوى الوكيل !!!!

من اليوم لن اتحدث عن شكوى الوكيل فى هذا المنتدى للاسباب التالية:

1- عدم جدوى الشكوى نظرا للاقبال الشديد على شراء السيارة (لدرجة انها خلصت من السوق و الناس بتحجز السيارات و من كتر الطلب هيجيبو دفعة اتحاد اوربى بالاضافة للمغربى) وايضا الاقبال الشديد على صيانة السيارة عند الوكيل (دى بالحجز و قبلها بعشرة ايام على الاقل و كمان تروح تلاقى طوابير ويوميا واللى عايز يتأكد يروح فرع المقصم) او المراكز المعتمدة.

2- عدم نجاح الشكوى التى تجاوب الكثير من اعضاء اللوجان فيها سواء المرسلة للوكيل او لفرنسا و تم التعامل معها بالتجاهل و ده شىء زعلنى جدا.

3- دخول الكثير من اصحاب السيارات الاخرى لتشويه صورة اللوجان دون تجربة و احترمهم ايضا.

السؤال الان و ما الحل ؟

فى رأى الخاص:

1- استخدام المنتدى بشكل عملى فى المساعدة على ايجاد البديل للتوكيل فى اعمال الصيانة (طبعا للى خلص الضمان) و السمكرة و قطع الغيار و فى موضوع نجمع فيه الحاجات ده - الصيانة و قطع الغيار برة و جوة ( التوكيل ):
http://www.masrmotors.com/vb/showthread.php?t=54875

2- استخدام المنتدى بشكل عملى فى مساعدة كل واحد عنده تسائل.

3- المشاركة فى اى فكرة جديدة.

انا مقتنع جدا جدا باللوجان و لو رجع بى الزمن هشتيريها طبعا 100 فى 100 احسن مليون مرة من الانوس والفيرنا. ومقتنع جدا بالمنتدى و بالاخص اعضائه لانهم كانوا السبب فى شرائى اللوجان و ايضا عرفت حاجات كتيرة منهم عن اللوجان.

فى النهاية المتفق معايا بحترمه و المختلف معايا اكيد برده بحترمه.