|
سؤال بخصوص بطارية ل 128
لو سمحتو يا جماعة البطارية ماتت النهاردة الصبح و الحقيقة العربية بالنسبالى أمر ضرورى لإنى ساكن فى أكتوبر وشغلى فى الدقى فأرجو الإهتمام بالسؤال و سرعة الإجابة كنت عاوز أعرف 1- قدرة البطارية إللى أجيبها كام (والدى بيقول 55 - بس إللى كانت فيها 70) إيه الأحسن 2- نوعها إيه (إللى كانت فيها "كلورويد" - بس إلل كانت عند الراجل النهاردة الصبح لونها إسود كلها و عليها كتابة صينى) 3- أسعارها إيه أتمنى يا جماعة إنكم تسعفونى بسرعة لإن بصراحة إعتمادا على رد واحد فقط هاشترى عالطول لإن إذا ربنا ما وفقنيش فى الشراء النهاردة هاضطر أستنى لحد يوم الإثنين و شكرا لكم |
رد: سؤال بخصوص بطارية ل 128
كفاية أوى الـ55
توكل على الله بس هاتها جافة دور على اليابانى أو الالمانى و الله الموفق |
رد: سؤال بخصوص بطارية ل 128
أنا معايه بطاريه ACdelcoجافه سعوديه الصنع ما شاء الله جميله جدا .ومره حصل عندى قفله فى المارش وفرغت البطاريه .وهوا مشوار واحد بالعربيه رجعت شحنت زى الفل وشغاله تمام بس أنا مش فاكر سعرها كام هيه 70 أمبير وربنا يوفقك للصواب
:14369D~149: |
رد: سؤال بخصوص بطارية ل 128
شكرا لكل من إهتم
بس ليا واحد صديقى قالى إن الإسبراتير العادة لازم يركبله بطارية سايلة على دايرة الشحن فى البطارية ماتبوظش .... هل الكلام ده صحيح |
رد: سؤال بخصوص بطارية ل 128
اقتباس:
مافيش حاجة اسمها لازم , الناس بتقول كده عشان العربيات القديمة ( مش شرط اسبراتير ) بيكون مشكوك فى كفاءة الدينامو و خايفين يعطل يتحول الموضوع الى " ليه ادفع اكتر لما ممكن ادفع اقل وكده كده بايظة بايظة " انما لو الدينامو تمام و لما تركب البطارية الجديدة تروح كل شهر تكشف على الشحن زى الضمان ما بيقول .... يبقى مافيش مشكلة نهائيا و البطارية الجافة أفضل و اداء اعلى عن تجربة و الله الموفق |
| الساعة الآن 09:40 AM. |
Powered by vBulletin® Copyright ©2000 - 2025, Jelsoft Enterprises Ltd.
www.MasrMotors.com ™ Copyright ©2008 - 2025
Egyptian Automotive Community
جميع الحقوق محفوظة - مصرموتورز 2008 - 2017