كده يبقى البطارية باظت ولا اية ؟
السلام عليكم و رحمة الله و بركاته....
العربية النهاردة مكنتش عايزة تدور من اول مرة دارت بعد 5 محاولة تقريباً ... ازاي اعرف ان العيب من البطارية علماً بأني شاكك بصراحة انها البطارية فعلاً لأن متغيرتش من يوم ما العربية جت (اكتوبر 2007) و العربية ماشية 60500 كم و البطارية سائلة و العربية فيرنا شكراً |
رد: كده يبقى البطارية باظت ولا اية ؟
لو دارت زق يبقى بطارية و لو مدرتش يبقى مارش
الاحسن تروح تكشف عليها و تشحنها على تونجر او بمشوار طويل بس الاول قولى اخبار البوجيهات عندك ايه ؟؟ |
رد: كده يبقى البطارية باظت ولا اية ؟
متشكر لردك
البوجيهات لسة متغيرة في الصيانة الأخيرة... لما عملت مشاوير كتير بالعربية محصلش الموقف تاني و دارت على طول |
رد: كده يبقى البطارية باظت ولا اية ؟
يبقى البطارية عاوزة تتشحن
الافضل تروح لكهربائى يكشف على نسبة الحامض و يديها شحنة |
رد: كده يبقى البطارية باظت ولا اية ؟
بس خليها على التونجر 24 ساعة حتفرق
و توقع برضه ان البطارية بتودع يعنى ممكن ترجع تعملها تانى قريبا بس الى فهمته كده انها كانت بتعتل صح؟ و لا المارش كان بيلف بسهولة و مش راضية تلقط؟ |
الساعة الآن 10:52 AM. |
Powered by vBulletin® Copyright ©2000 - 2024, Jelsoft Enterprises Ltd.
www.MasrMotors.com ™ Copyright ©2008 - 2024
Egyptian Automotive Community
جميع الحقوق محفوظة - مصرموتورز 2008 - 2017