|
إستفسار بخصوص فحص المرور
بسم الله الرحمن الرحيم انا كان عندى استفسار بخصوص الفحص انا معايا 128 ومشتريها مستعملة ومكتوب فى الرخصة من الامام نهاية الرخيص 13/11/2011 ومكتوب فى الخلف تاريخ الفحص 2013 اللى انا فاهمة إنى المفروض اذهب الى المرور يوم 13/11/2011 علشان اجدد الرخصة هو لما بجدد الترخيص مش بيكون فية فحص واية حكاية الفحص 2013 ياريت حد يجاوبنى علشان انا متلخبط |
رد: إستفسار بخصوص فحص المرور
حضرتك الفحص ثابت كل 3 سنين او عند نقل الملكية اما تجديد الرخصة بيكون من سنة ل 3 سنين براحتك تدفع سنة او اكتر لو العربية باسمك هتروح تجدد الرخصة عادى لو بتوكيل لازم يكون مكتوب فى التوكيل "البيع لنفسه وللغير والتعامل مع المرور " لو مش كده لازم تنقل ملكية وتفحص او تجيب صاحبها يجددها باسمه من غير فحص
|
رد: إستفسار بخصوص فحص المرور
اخى فالله ستدفع التأمين الاجبارى و الضريبه فقط وممكن ان تذهب بدون السياره اذا اردت لانها غير مطلوبه للفحص والله يوفقق .
|
رد: إستفسار بخصوص فحص المرور
فعلا هتروح تجدد سنه او سنتين ( هتدفع ضريبه وتأمين) والفحص فى 2013
والعربيه غير مطلوبه. |
رد: إستفسار بخصوص فحص المرور
لا مش هاينفع يا شيخ طارق لان العربية مش باسمة واكيد مش معاة توكيل بالتجديد
اى واحد بينقل ملكية لازم العربية تفحص واجراءات الفحص بسيطة بتجيب شهادة مخالفات من المرور التابع لية السيارة لو الرخصة منتهية او معاك تصريح بتجيب شهادة بيانات بتروح المرور الى انت تابع لية وبتجيب من هناك نموذج فحص + شهادة صلاحية طفاية + دفع التامين الاجبارى+(80 جنية وبعدين تفحص العربية وتختم الورق من مهندس الفحص وتختم ورقة الطفاية من الموظف وتروح للشباك تديلة الورق دة كولة هايطلعلك توريد نقدية اعتقد عندك بـ 120 جنية ترجع للموظف تانى بعد سداد الرسوم واستنى تسمع اسمك وتاخد الرخصة على كدة وتشرب ازاة حاجة سقعة عشان الجو حر اوى اليومين دول وانت بتشرب الحاجة السقعة بص فى بيانات الرخصة كويس جدااااااااااا وطابق كل الارقام الموجودة فى الرخصة وبعدين ادعيلى |
| الساعة الآن 11:32 AM. |
Powered by vBulletin® Copyright ©2000 - 2025, Jelsoft Enterprises Ltd.
www.MasrMotors.com ™ Copyright ©2008 - 2025
Egyptian Automotive Community
جميع الحقوق محفوظة - مصرموتورز 2008 - 2017