سعر تيل الفرامل الأصلي؟
 

السلام عليكم و رحمة الله...

روحت غيرت تيل فرامل لأول مرة بعد اكتر من 60 الف كم الحمد لله ب 165 جنيه

سألت في المركز اللي بغير فيه هل ده الأصلي زي اللي كان فيها ... ؟ قاللي ايوا! بصيت على العلبة لقيتها بتاعت غبور و صناعة كوري

بعد ما مشيت حوالي 300 كم لقيته بيصفر مع الفرملة
!!!!!!!!!!!!!!!!!!!!!!!!!

مع ان اللي كان فيها (الفابريكة) عمــــــــــــــــــره ما صفر معايا خاااااااااالص....

اعمل اية دلوقتي ؟ و هل اللي ركبته ده اصلي فعلاً ولا لأ ؟؟

رد: سعر تيل الفرامل الأصلي؟
 

معلش المركز دا مش غبور وانا متاكد مليون المية لانى التيل الاصلى انا شارية من 4 شهور عامل 260 جنية وانا عارف اللى بتتكلم علية دا ابو 160 هو اساسا 120 مش عارف 160 ازاى دا تيل اصلى لكن درجة تانية لما بيطلع فية اخطاء مبيروحش للتوكيل لاة بيشتروة مراكز الصيانة وطبعا بيتباع على حس انى الكرتونة اصلى وغبور والعلامة المائية وكدة لانة فعلا من غبور لكن درجة تانية
وحصلت معايا فى سير كاتينة والله والحمد لله رجعتة ومكنش من التوكيل كان مركز بيع

رد: سعر تيل الفرامل الأصلي؟
 

انا كدا سمعت كذا رأي في الموضوع ده
واحد صاحبي جايبه ب185 نفس العلبة و بيقوللي مبيصفرش

مش عارف اية اللي ب260 ده كمان؟
مش هي العلبة شبه علبة فلتر الزيت كدا ؟

رد: سعر تيل الفرامل الأصلي؟
 

على فكرة فى تيل والله حلو ورخيص ولو جربتو مش هتصدق سعرة أنا كنت بجيب على طول ببتاع التوكيل لاكن فى مرة كانت الظروف مش ولا بد فضطريت ان أجيب اى حاجة وبعدين قلت هغيرة بعد 15 يوم بالظبط كان فى فلوس جاية ((( ساعة الثورة ولما كنا قاعدين فى البيوت ))) المهم واحد ادانى التيل دة ب 35 جنية صينى أسمة كامكس (( KAMAX))) وتوكل على الله وأنا متأكد انك هتشكرنى ... مش بيصفر وبيعيش 3/4 من عمر الاصلى وجرب وربنا يوفق

رد: سعر تيل الفرامل الأصلي؟
 

بص يا زعيم اولاً التيل الاصلي بيعمل في غبور 280 جنيه الكلام ده مفيش من اسبوعين


انا جيبت تيل اسمه جولد التيل ده فعلا ملهوش حل والله حاسس اني راكب عربية تانية غير عربيتي من لمسة رجلي للفرامل العربية بتقف والتيل كوري وديه صورة التيل

http://img21.imageshack.us/img21/753/gdsc0018.jpg



وسعرة 60 جنيه بس بأمانه شغال معايا احسن من التيل الاصلي لان رجلي كانت بتسرح كتير علي الفرامل علشان العربية تفرمل مع انه لسه فيه يمشي العربية 1000 كيلو كمان