|
برادوا والا ماروتي
برادوا كانشيل 2000 بتكييف مانوال
تعمل كام في حالة الحالة الجيدة وعدم الاحتياج لمصاريف والرخصة قرب المنتهية؟ وهل هي أفضل والا الماروتي من كل الحيثيات وجزاكم الله خيرا |
رد: برادوا والا ماروتي
والله حضرتك كان نفسي افيدك بس انا زيك لسه جديده في عالم السيارات بس مش انتي ناويه تجيبي اسبيرانزا ولا ايه ؟؟؟ ربنا ييسرلك امرك وييسر لكِ الخير حيثما كنتِ |
رد: برادوا والا ماروتي
انا بأفكر في الاسبرانزا
A113 بعد مرحلة التخبيط و ساعات اقول لنفسي طيب اجيبها من الاول واخلص في الحقيقة تعبت جدا من موضوع العربيات واتعقدت و كرهت حياتي بجد |
رد: برادوا والا ماروتي
اقتباس:
بصي حبيبتي شوفي وحددي انتي عايزة ايه يعني الاول انتي بتشتغلي ولا ست بيت وهل شغلك بعيد عن بيتك ولا قريب كل الحاجات دي بتفرق في تحديد انتي عاوزة ايه انا حاسه بيكي لاني عديت بمراحلك دي كلها كنت الاول عاوزة 127 اتعلم فيها لانها صغيرة وانا بحب العربيات الصغيرة جدااا ولقيت الناس كرهتني فيها وقالولي كل يومين هتبقي عند الميكانيكي وانا معنديش حد يودي ويجيب قلت بلاش منها وسألت في منتدى تاني اجيبها ولا اتصرف واكمل واجيب ماروتي وكان رأي الناس هناك كلهم طبعا الماروتي لانها احدث 15 او 20 سنه وطبعا بتفرق بعدها جات قدامي الاسبيرانزا دي واستخرت وهخدها ان شاء الله مش عايزة اقولك ان اكتر من نصف تمنها سلف بس ربنا يقدرني واسده ان شاء الله باختصار استعمالك ليها هو اللي هيحدد اما عن الماروتي اقدر اجيبلك اكتر من عرض وكلهم ممتازين لاني كنت بدور عليها اليومين اللي فاتو ربنا يسعدك وييسرلك امرك |
رد: برادوا والا ماروتي
هيه الماروتى افضل لحضريتك طلما حضريتك لسه مبتدائه
لانها عربيه صغيره وكنزه وسهله فى سواقتها جربيها لحد ما توصلى لمرحله تشوفى انتى بقيتى فيها احسن تبقى تفكرى تجيبى الاكبر منها |
| الساعة الآن 07:42 AM. |
Powered by vBulletin® Copyright ©2000 - 2025, Jelsoft Enterprises Ltd.
www.MasrMotors.com ™ Copyright ©2008 - 2025
Egyptian Automotive Community
جميع الحقوق محفوظة - مصرموتورز 2008 - 2017