سايبا الأيرانية
 

بفكر أشتري سايبا الأيرانية ... و انا قرأت عنها كلام كويس
انتو ايه رايكم ؟؟؟؟؟
هي و لا سوزوكي التو ؟ خاصة ان سعرهم متقارب .. السايبا ( 1300 سي سي- سنتر لوك و زجاج أمامي كهرباء ) بــ 46500 و السوزوكي ( 800 سي سي فاضيه ) بـــ 44500 . بس انا اللي مستغرب منه عدم وجود اي اعلانات عنها و كل معارض السيارات اللي عاملة اعلانات النهاردة في ملحق الأهرام محدش بيتكلم عنها خالص كأنها مش موجودة أصلا و كمان هي مش منتشرة
يا ترى ايه السبب ؟
النهاردة اشتريت اخبار اليوم مخصوص علشان اقرأ اي حاجة عن السايبا لكن مالقيتش حرف واحد مكتوب عنها .
و اللي استفزني ان الوكيل الوحيد بتاعها في مصر{ ناسيونال موتورز } عامل أعلان عن كل العربيات حتى اللي مش واخد توكيلها و مش حاطط السايبا خاااااااااااالص .
هي اية الحكاية بالظبط انا بصراحة ابتديت اقلق خاصة اني كل لما اكلم عنها حد عندها هنا في قنا يستغرب جدا كأني بكلمه عن مكوك صاروخي أو عجلة بكوتش واحد ....
عندكوا راي ممكن تطمنوني بيه و لا .........
مستني رايكم علشان اشتري واحدة منهم
يارايت محدش يبخل علي يالنصيحة
وشكرا مقدما لكل الردود

رد: سايبا الأيرانية
 

انا برضة عاوز اشترى العربية دى

بس مش عارف اية اخبار عنها

ياريت اللى يعرف اية حاجة عن العربية دى يقولنا

وشكرا

رد: سايبا الأيرانية
 

رد: سايبا الأيرانية
 

رد: سايبا الأيرانية
 

اهلاً بيك فى مصر موتورز
اولاً القسم فيه كل حاجة عن العربية سواء تعريف بالشركة او بالعربية ومواصفتها واسعار قطع الغيار وتقارير

ثانياً بالنسبة للتوكيل فناشيونال موتورز عامل فرع باسم العربية فى شارع الطيران واول مانزلت نزل لها اعلانات كتير لكن كعربية اقتصاديه طبيعى انه ميعملش اعلانات كتير دائماً زيها زى الماروتى ووالالتو والشاهين والادا فديه عربيات اقتصاديه ومش مجدى مادياً انه يعمل حملة اعلانات خاصة بيها

عامة اقراء المواضيع الخاصة بيها ولو فيه اى استفسار احنا تحت امرك