|
اشتري a 113 ولا لا ؟؟
السلام عليكم
انا بفكر اشتري a113 وعايز اعرف العربية تستاهل ولا لا؟ وتستحمل سفر ولا لا ؟ وهل في مشاكل في التقفيل المصري ؟ وسعرها حاليا كام ومنين اجيبها انا مقيم في العاشر من رمضان وياريت لو حد يعرف حد بيبيع تقسيط مباشر واسف علي الاطالة |
رد: اشتري a 113 ولا لا ؟؟
السلام عليكم وعليكم السلام و رحمه الله و بركاته انا بفكر اشتري a113 وعايز اعرف العربية تستاهل ولا لا؟ لو فلوسك علي قد ال 50 الف واحتياجك لعربيه شبايبه و متعلقاتك صغيره الي حد ما ابقي اشتريها و توكل علي الله وتستحمل سفر ولا لا ؟ تستحمل و جدا وهل في مشاكل في التقفيل المصري ؟ كعاده التقفيل المصري الي متعودين عليه ولا جديد في ذلك وسعرها حاليا كام ومنين اجيبها انا مقيم في العاشر من رمضان سعرها حاليا 51900 ومن اي مكان السعر تقريبا موحد لان سعر ابوالفتوح وعندك ممكن تجبها من ابوالفتوح او من المصريه اعتقد ليهم فرع عندكو او من اي اجنص عادي جدا وياريت لو حد يعرف حد بيبيع تقسيط مباشر المصريه بتقسط ب 9 % واي بنك ممكن تقسط عادي واسف علي الاطالة إسال ولا يهمك احنا بالخدمه و موفق بعون الله |
رد: اشتري a 113 ولا لا ؟؟
الف شكر يا بشمهندس
بس ممكن اعرف عيوب التقفيل زي ايه ؟ |
رد: اشتري a 113 ولا لا ؟؟
الف شكر يا بشمهندس الشكر لله بس ممكن اعرف عيوب التقفيل زي ايه ؟ زي مثلا في فروق بين مفصلات الصاج يعني مثلا الباب و الصاج تلاقي في مسافه بنهم مرئيه الكاوتش بتاع الباب احيانا يكون ناشف و مشقق البطاريه ممكن تكون نصف عمر العفشه ممكن تلاقيها مش متربطه كويس او مش مظبته زوايا و ترصيص كل دي عيوب فرديه و مهياش اساس في كل العربيات بس موجوده وانا عن نفسي قابلني عيب بطاريه مظهرش الا بعد سنه ان البطاريه قطعت خالص وعيب في عربيه واحد اعرفه ان مسامير الجنوط افشت علي الصاموله و مردتش تطلع الا ببنطه لحام الاخطاء وارده و ده طبيعه التقفيل المصري ومش بالصيني بس علي فكره |
| الساعة الآن 09:24 PM. |
Powered by vBulletin® Copyright ©2000 - 2025, Jelsoft Enterprises Ltd.
www.MasrMotors.com ™ Copyright ©2008 - 2025
Egyptian Automotive Community
جميع الحقوق محفوظة - مصرموتورز 2008 - 2017