مصر موتورز مجتمع السيارات - اختيار موتور من موتورين استيراد

مصر موتورز مجتمع السيارات (https://www.masrmotors.com/vb/index.php)

- ميكانيكا السيارة (https://www.masrmotors.com/vb/forumdisplay.php?f=148)

- - اختيار موتور من موتورين استيراد (https://www.masrmotors.com/vb/showthread.php?t=55946)

اختيار موتور من موتورين استيراد

بسم الله الرحمن الرحيم
السلام عليكم ورحمة الله وبركاته
احم ندخل بقا في الموضوع
من فتره كنت عملت موضوع اخد رأي الاعضاء اني احول عربيتي الاكسنت ال 1300 لاوتوماتيك واغير الموتور والفتيس
المهم فيه اللي ايد الاقترااح وفيه اللي مأيدوش بعد لف كتير وسؤال الميكانيكيه وبتوع الاستيراد قررت اني احول عربيتي لاوتوماتيك ونزلت بورسعيد ولفيت في المنصوره وبصراحه بعدت عن القاهره لان بور سعيد والمنصوره طلعو ارخص كتير من الحرفيين وبفرق ملحوظ
نزلت امبارح بورسعيد وسالت علي الموتور وسعره عند اكتر من 10 اماكن لقيته في رينج 2200 جنيه بالفتيس!!!
في حين عضو معانا هنا جايبه موتور فاضي بس من الحرفيين ب 1800!!!!!
وطبعا الموتور بيجي معاه كمبروسر التكييف بالدينامو بالمارش يعني كامل وطبعا الفتيس
قولتل انا عايز كامل لان العربيه عاديه وهاحولها قعدنا نحسب الحاجات التانيه ريدياتير وبدال فرامل وعدادات وعصايه فتيس المهم وقف علي 2600 جنيه ودا سعر جميل جداا
سؤالي هنا واحد اقترح وقالي ينفع يركب موتور الالنترا الشكل القديم الي هوا بينزل في الفيرنا والماتريكس وبدون اي تعديل خالص يادوب هاتشيل القديم وتحط الجديد وشكرا سالت علي المعلومه كذا ميكانيكي وكذا واحد بتوع استيراد اكدو ليا المعلومه وقالو مفيش تعديل خالص
علما انه موتور 2 كامه هوا 1600 بس ورق التخليص بتاعه مثبوت 1500 عشان المنطقة الحره
وعلما بردو ان عربيتي ثابته لغايه 160 كيلو والحياه عاديه جداا يعني بالنسبه لانه هايبقا كبير علي العربيه عادي هيا ما شاء الله ثابته
قولت بردو اخد رايكم اجيب ايه بالظبط لاني هابدا الشغل من اول الاسبوع الجاي
وبالنسبه للاخوه اللي معاهم فيرنا وعايزين يحولوا اوتوماتيك سألت ولقيت التكلفه بسيطه هوا فتيس بس واي استفسار منهم انا موجود بس اخد الراي الاول في موضوعي وخاصه من الاعضاء اللي معاهم فيرنا اوتو :d

رد: اختيار موتور من موتورين استيراد

مع انى مش خبره فى الى انت بتقوله
بس انا لو منك اخلينى مع الاختيار الثانى الى هو ماتور الالنترا القديم طالما مفيهوش تعديل و مجرب و ناجح زائد ان كله شايف روعة اداء الفيرنا و الميتركس و حكاية الثبات دى نسبية يعنى المفروض محدش يمشى اسرع من 130 فى طرقنا حتى البى ام و المرسيدس بالرغم انى باللانوس ساعات بجيب 185 بس عارف ان ده انتحار و مش فى اى وقت و مش اى طريق و مقتنع ان اللانوس اخرهه 90

رد: اختيار موتور من موتورين استيراد

لو فرق سعر بسيط خليك في الموتور بتاع الالنترا

رد: اختيار موتور من موتورين استيراد

اقتباس:

المشاركة الأصلية كتبت بواسطة احمد على 1999 (المشاركة 431372)

شكرا ياباشا علي ردك وعندك حق في موضوع السرعه دا ان المفروض ميباش مبالغ فيه
بس الواحد بيقول يبقا معاه عربيه وموتور جاهز لاي حاجه غير ان الاوتو بتاعه اكيد احسن واشد من الاكسنت

رد: اختيار موتور من موتورين استيراد

اقتباس:

المشاركة الأصلية كتبت بواسطة mmffor (المشاركة 431399)

لو فرق سعر بسيط خليك في الموتور بتاع الالنترا

السعر هوا هوا ياباشا مفيش اي زياده