|
غطا للعفشة من تحت؟
السلام عليكم ورحمة الله وبركاته كنت سمعت ان الاوبترا ليها غطا من تحت بيحمي العربية هل يمكن تركيب هذا الغطاء لاي عربية تانية (نيو اكسنت مثلا) وهل هو اصلا دة مفيد بالنسبة لنا هنا في مصر ؟ولو تركيب دة مش بيبقي زي الحاجة الاصلي ولا اية؟ جزاكم الله خيرا (ص) |
رد: غطا للعفشة من تحت؟
اولا مرة اسمع الموضوع دا بصراحة , ياريت الافادة فيه
|
رد: غطا للعفشة من تحت؟
ايوة فية الكلام دا مضبوط وحاولت اعملة فى الفيرنا واللى حصل كالاتى
رحت عن واحد خبير وصاحبى جدا وقلتة على الحوار اقتنع بكلامى وقالى صح بس مش هقدر اعملها ليك قلت لية انت خبرة فى المجال دا قالى الاتى 1- فى العربيات اللى فيها الكلام دا بيبقى فية فتحات معينة تدخل منها الهوا داخل العفشة وللشكمان وبيكون فيها سحبة معينة للفتحة عشان تخلخل الهوا تحت العربية مياثرش على الثبات 2-وبيكون فى طبقة المنيوم سميكة لسحب الهواء البارد عشان شخونة العربية من تحت 3- واخيرا تثبيت القطعة هيحتاج لحام فى الشاسية واعتقد محدش هيوافق على لحام فى الشاسية عند البيع وطبعا رجعت وقلت الحمد لله سيبها عريانة من تحت وخليها على الله على فكرة العربية فيرنا 2007 بس ليا سؤال هى معدل الفيرنا فى البنزين كام انا اللتر بيعمل معايا 9 او 10 كيلو جوة البلد دا صح ولا اية |
رد: غطا للعفشة من تحت؟
اقتباس:
اعتقد كان مكتوب عن الفيرنا حوالي 220 كم لكل 20 لتراً http://www.masrmotors.com/vb/showthr...t=22575&page=3 |
رد: غطا للعفشة من تحت؟
بلاش لعب في اساس العربية يا استاذه دهبه وكل عربية وليها التصميم بتاعها وبعدين متقلقيش الفيبر مش بيحمي بالقدر الكافي ممكن في مطب ولا حاجه من تحت تكسره وهتلاقيه مش ظابط العربية لان لازم يبقي مصمم للعربية نفسها مش معمول عمولة
وبالنسبة للاستاذ mimo استهلاكك كدا كويس جدا للبنزين |
| الساعة الآن 08:46 AM. |
Powered by vBulletin® Copyright ©2000 - 2025, Jelsoft Enterprises Ltd.
www.MasrMotors.com ™ Copyright ©2008 - 2025
Egyptian Automotive Community
جميع الحقوق محفوظة - مصرموتورز 2008 - 2017