صوت الموتور عالي اوي و العربية زيرو
السلام عليكم ...ازيكم يا اصحابي انا الحمد لله اشتريت رينو لوجان 2011 و لسة مستلمها من حوالي اسبوعين بس لاحظت ان صوت ماتورها عالي اوي و خشن ...دا طبيعي ولا يكون فيها عيب ...زعلي الرغم انا مش بقرص علي العربية يعني يوم ما بجري بيها بجري 110 و العربية ماشية حوالي 500 كيلو ارجوكم افادوني
|
رد: صوت الموتور عالي اوي و العربية زيرو
العزل الصوتي مش كويس في الفئه دي عموما روح التوكيل و قولهم علي الحوار |
رد: صوت الموتور عالي اوي و العربية زيرو
ياباشا موتور اللوجان هو اصلا صوته عالى شويه وهو بيهدى شويه بعد التليين والعربيه عموما بتفرق كتير بعد التليين فى اداء الموتور وسحبه لكن الموتور صوته بيفضل عالى شويه بس بيبقى اقل بعد التليين واستمتع بالعربيه وربنا يبارك لك فيها ويكفيك شرهاROSE4U
|
رد: صوت الموتور عالي اوي و العربية زيرو
طبيعى طبيعى طبيعى ...
مع التليين الصوت العالى ده هيخف كتير جدا ... بس خلى بالك موتور اللوجان بيفرق معاه التليين جدا ... يعنى حاول تخف عليها خالص فى اول 3000 كيلو على الاقل .. علشان تريحك باقى العمر باذن الله ... ويا ريت قبل ما تكمل 1000 كيلو تبقى تدورها وهى واقفة لمده يوم او يومين مثلا .. بحيث تدورها ساعتين وتريحها نص ساعة مثلا .. وده هيخلى الموتور يتلين اكتر واسرع ولو عملت كده هتلاقى لصوت بدأ يهدأ معاك شوية بشوية ... الف الف مبروك اللوجان يا باشا وربنا يباركلك فيها ويكفيك شرها وشرور الطريق ... منور المنتدى يا غالى ........... |
رد: صوت الموتور عالي اوي و العربية زيرو
متقلقش اول الف كيلو خليك هادى جدا جدا ما تحاولش تجيب ال 80 وبعد الاف ااقرص شويه يعنى لحد 3 ار بى ام وبعد ال 3000 ان شاء الله هتحس ان الماتور صوته بقى شبه صوت اليابانى شويه بس اعلى سنه بسيطه
ومبروك عليك اللوجان يا ريس |
الساعة الآن 11:51 AM. |
Powered by vBulletin® Copyright ©2000 - 2024, Jelsoft Enterprises Ltd.
www.MasrMotors.com ™ Copyright ©2008 - 2024
Egyptian Automotive Community
جميع الحقوق محفوظة - مصرموتورز 2008 - 2017