|
خلاص حاتجنن..............ساعدو ني Help
أنا في حيرة ما بعدها حيرة......مش عارف أعمل اية,عايز أجيب عربية ومعايا في حدود 120وممكن لو قسطت أوصل لـ 150يعني الفلوس مش مشكلة ......المشكلة مشكلة إختيار......حاتجنن....... أنا كنت راكب أوكتافيا A4 مستعمل وعانيت الأمرين مش عشان العربية وحشة ولكن عشان إهمال الى كان راكب قبلى...... العربية ممتازة واحساس بالقوة و الشياكة وعيبها قطع غيار نار ولكن متوفرة( أنا بحب أجيب اللأصلى). نرجع لمرجعونا في الفئة السعرية دي والى مقبول ليا شكلا: 1-سيراتو: عربية أثارت الجدل ما بين موْيد ومعارض ,ما بين إنتشار وهمي وما بين أكثر عربية بتتباع كسر زيرو الناس (اللى راكبينها) بتقول عيوبها (ثبات مقارنة ب الأوكتافيا – عدم تشفير المفتاح مما يعرضها للسرقة – صاج ضعيف) مميزاتها ( شكل تحفة – كماليات كثيرة – توكيل محترم – قطع غيار متوفرة- سعر إعادة بيع مرضي- موتور محترم – فتيس استيبترونيك 6 سرعات ) 2-فلوانس : مميزاتها :شكل جميل واسعة – توكيل محترم. عيوبها : سوء سمعة الميجان – قطع غيار أغلى من الفانتازيا – سعر إعاد بيع فى الضياع – عدم أنتشار. 3-مازدا : مميزاتها :شكل جميل- توكيل محترم- ياباني. عيوبها: قطع غيار غالية - سعر إعاد بيع فى الضياع – عدم أنتشار- عدم توفر قطع الغيار. 4-النترا 2012: مميزات: لسة معرفش لما تنزل الأول. عيوب :السعر حايبقى غالى حبتين – هل التابلوة حيبقى بلاستيك زي RB- هل حاتبقى واطية وبتحك في المطبات زي النترا الحالية- هل العفشة حاتبقى ناشفى زي السيراتو- هل حايبقى فيها عيوب تانية ومش حاتبان الا بالتجربة) 5-فانتازيا: مميزات : كماليات كتيرة – ثبات – مفتاح مشفر – منتشرة – فخامة – قوة – صاج) عيوب : الفتيس الاوتوماتيك فية عيب وطقم البودي بلف بتاعها ب 10,000 جنية عشان كدة لو حاجيبها اجيبها مانوال (نفس كماليات الاوتو أول فئة – توكيل سيئ - قطع غيار غالية (معمرة)- ثقيلة وغير شبابية (بس شيك)- سعر أعادة البيع بردة في الضياع. أرجو تفتوني في أمري بموضعية ومحدش يقولى دول فئات مختلفة – ماحدش يقارن الكوري بالالماني دة يتقارن بالياباني . اللى يرد ياريت يكون عن تجربة. وألف شكر مقدما. |
رد: خلاص حاتجنن..............ساعدو ني Help
اهلا بيك يا اخي في المنتدى ... و ان شاء الله هتوصل للي عايزه بمساعدة الخبراء ... بس احب اقول رأي ... حضرتك اغلب الجديد في الفئة السعرية ديه هيكون قطع الغيار غالية ... و زي ما حضرتك قولت معمرة ... فلو هي هتفرق .. فالفرق في سعر اعادة البيع و حضرتك شوف ده يهمك اد ايه ... يعني لو العربية هتعقد معاك كتير ... يبقى تتوكل على الله و تجيب اللي ترتحلها ... لان دي فلوسك و انت اللي هتركب .. يعني العربية اللي تحبها من اول نظره زي ما بيقولوا :fun_36_3_3[1]: و في انتظار رد الاخوة ... و اقترح عليك بردو التيدا و البونتو ايفو .. ده لوعايز اداء و شكل شبابي .. و عربيات نضيفه
|
رد: خلاص حاتجنن..............ساعدو ني Help
السلام عليكم
يا باشا سلمتك من الحيرة حضرتك راكب عربية مشاء الله قوية جدا فلو ها تغير يبقى لازم عربية تساويها علشان متحسش بفرق انا شايف العربيات الى حضرتك مختارها كلها اغلبها علشان شكلها الشيك بس اعتماديتها مش زى الاسكودا طبعا وفى الفترة دى البلد بتمر بظروف صعبة فى نصيحة بلاش تجيب عربية وتقسط بلاش دين فى الايام دى انا برشحلك عربية عن تجربة مع اخويا تيوتا مورلا 2007 عربية محترمة جدا عاليا عن الارض موتور قوى وناعم سبات حلو تكيف ممتاز سعر اعادة بيع هايل جدا بس هات عربية تكون مش متهانة |
رد: خلاص حاتجنن..............ساعدو ني Help
انا مع الاستاذ طارق ... يعني لو هتفكر في المستعمل ... هتوفر و هتجيب حاجة استعمال نضيف و لو اعادة البيع فعلا الكورولا .. جباااااااااااارة ... بتبقى موديل من 15 سنه و ب 55.000 :crazyW14: ... فربنا ينولك العربية اللي ترضيك .. تقبل تحياتي
|
رد: خلاص حاتجنن..............ساعدو ني Help
الموضوع كله انتا عايز عربية شيك وقطع غيارها مش غالية واعتمادية بدرجة كبيرة يبقي خليك في الالنترا الجديدة وكلها شهر ولا اتنين وتنزل لكن لو مفيش فيها وسائل امان وده المتوقع من غبور يبقي خليك في المازدا من ساعة ما غبور خد توكيلها والعربية ديه بقيت منتشرة بطريقة كبيرة واعتمادية اكتر
وعندك الهوندا السيفيك والتويوتا الكرولا |
| الساعة الآن 02:08 AM. |
Powered by vBulletin® Copyright ©2000 - 2024, Jelsoft Enterprises Ltd.
www.MasrMotors.com ™ Copyright ©2008 - 2024
Egyptian Automotive Community
جميع الحقوق محفوظة - مصرموتورز 2008 - 2017