تعبت و مش عارف اعمل ايه فى العربية دى
 

عندى مشكلة غريبة فى عربيتى سويفت 98 ..http://www.masrmotors.com/vb/images/...3_3%5B1%5D.gif.. بإختصار شديد .... العربية يتقطع بنزين ... فى اى وضع يعنى تقطع بنزين و انت على 80 او 120 تدوس بنزين على الاخر كأنك مش دايس و بعد كدة تبطل و تدور بعد فترة ..... غيرت فلاتر بنزين و زيت و غيرت الطرمبة مرتين و كشفت على الكاربرتير .... تمشى كويس يوم و بعد كدة تعمل الحركة تانى .... صرفت عليها حوالى 800 جنية لحد دلوقتى .... روحت التوكيل اول ما فتح الكابوت قالى دة الاسبراتير من غير ما يجرب اى حاجة ...مش موجود فى التوكيل و برة الاسبراتر جديد ب 650 و مستعمل ب 350 المهم قولتله أكيد قالى ان شاء الله ... طب و لو جبته و مشتغلتش عليك ... قالى لأ قول للراجل انك ممكن ترجعه !! مش عارف اعمل ايه و تعبت بقالى شهرين كل يوم عطلانة ..... ياريت لو حد حصل معاه نفس الموقف يساعدنى ..... ... و شكراً مقدماً

رد: تعبت و مش عارف اعمل ايه فى العربية دى
 

حصل معايا الموضوع ده وكنت فاكره كربراتير
رحت لمركز صيانه كربراتير قالى الكربراتير سليم
قالى المشكله عندك فى الاسبراتير وقالى على ميكانيكى ارحله
فك مشط الاسبراتير وركب واحد من عنده العربيه اشتغلت تمام
( يعنى مش لازم تغير الاسبراتير كله )
اهم حاجه تروح عند ميكانيكى بيفهم ولو قلك على اى حاجه تبقى على ضمانته
عشان قطع غيار الكهربه مابترجعش مفيش حاجه اسمها (لأ قول للراجل انك ممكن ترجعه)
وياريت يكون عند الميكانيكى مشط اسبراتير يجربلك العربيه
لو المشكله منه تبقى تجيب واحد جديد وانت مطمأن

رد: تعبت و مش عارف اعمل ايه فى العربية دى
 

متشكر جداً .... ياريت لو حضرتك تقولى اتكلفت كام يبقى عظيم :]

رد: تعبت و مش عارف اعمل ايه فى العربية دى
 

مشط الاسبراتير مالقتش اصلى لقيت نوعيتين فى السوق تايوانى ومش فاكر نوع تانى
بس التايوانى كان 120 والتانى كان 230 الاصلى سمعت انه يعمل فى حدود 400 جنيه ومفيش منه غير الاستيراد ويبقى كمان اسبراتير كامل مش المشط بس
تركيب المشط قالى60 جنيه انا رحتله وانا متضر عشان العربيه وصلت لدرجة انها مابقتش تكمل مشى خمس دقايق وتفصل فانا حسيت كده انه استغلنى لانى محتاجه لان الفك والتركيب مخدش منه ربع ساعه