اشتريت فليشيا ولكن للاسف......?
 

السلام عليكم ورحمة الله وبركاته
الساده اعضاء مصر موتورز و الساده مالكى الفليشيا
من حوالى 3 اسابيع اشتريت عن طريق النت عربيه فليشيا 95
و الميكانيكى اللى خدته معايا قالى العربيه زى الفل ودور وامشى
دفعت 22500 وبعد ما استلمتها باربع ساعات لاقيتها بدخن وحالتها ضايعه
المهم وديتها عند ميكانيكى تانى محترم واكتشفت الاتى
1 العربيه عايزه وش سلندر
2 طقم شنبر
3 اسطوانه ديسك ودبرياج
4 عوامه تنك بنزين
5 ترموستات المروحه
6 كابل عداد السرعه
7 مفاتيح كشافات
8فيوزات كهربا
9 بطاريه
10 شغل بسيط فى السمكره
انا دلوقتى صلحت وش السلندر والعربيه اهو ماشيه معايا بس لما بجيب اول واطلع بتعمل رجه جامده لكن ما التانى وكده بتبقى تمام لكن صوت الموتور بيرزع
عشان كده مبجريش بيها وعلى مهلى انا بقى لو سمحتو عايز اعرف
اسعار باقى الحاجات دى كام وعايز اعرف السعر اللى اشتريت بيه ده كويس ولالا
مع العلم ان دى اول مره اشترى فيها عربيه واسف لو طولت عليكم

رد: اشتريت فليشيا ولكن للاسف......?
 

اوكى السعر كويس ولو زيادة يبقى حاجة بسيطة
لكن راى المتواضع فى الموضوع دا
انى اجيب 128 جديدة ولا انى اجيب bmw مستعملة

رد: اشتريت فليشيا ولكن للاسف......?
 

شكرا للرد memodina1
بس ده اللى حصل
المهم عايز اعرف اسعار الحاجات دى ايه

رد: اشتريت فليشيا ولكن للاسف......?
 

اولآ متزعلش .. الموضوع ده بيحصل مع ناس كتير و مفيش حد ما اخدش عربيه و كانت تمام التمام

قبل ما تعمل اي شئ تاني

_ لازم تعرف الخبط اللي في الماتور من ايه بالظبط .. عشان لو من تحت .. الكرانك يعني .. يبقي اشتري نفسك و هات ماتور ... سعره استراد ما بين 1200 اللي 1800 حسب الموديل و اذا كان بتكيف او لا ...

و هو هيجي بكل حاجاته و تقدر كمان تاخد الدسك و الاسطوانه معاك ..

لانك لو حسبت الشغل اللي في العربيه .. هيعمل فلوس كتير ... يعني سعر الماتور احسن الف مره و هتنسي المشاكل ده كلها

و لو عيز اي حاجه في التابلود .. زراير او عدادات انا عندي تابلوه كامل .. خده كله او اللي انت عيزه منه ..

انا معايا فليشيا كومبي .. اشترتها .. و من يوم ما اخدها و طلعت عيني ... لكن في الاخر اكتشفت انها كلها حااجات بسيطه .. و الحمد الله بروح بيها السلوم

و متسمعش كلام الناس اللي بتقولك عربيه بتسخن و مش عارف ايه .. ده قلة خبره مش اكتر .. العربيه ده قويه و متينه و بتستحمل بس المهم تعملها صح و علي اصلها

رد: اشتريت فليشيا ولكن للاسف......?
 

الف شكر يا استاذ شيكو على الرد
انا وديتها للميكانيكى وقالى ده فعلا طقم الشنبر وجبته ب 375
وقالى مفيش مشكله فى الاسطوانه واكتشفت ان باقى الحاجات دى حاجات بسيطه
فعلا مش مستهله الزعل والف شكر مره تانيه ادعولى بقى انها متقفش تانى منى ROSE4U