|
العربيه لما بتكون سخنه وتفصل وترجع تشغلها مش بتشتغل علطول بتغيب
السلام عليكم ورحمة الله
العربيه عندى اكسيل 1500 مو 95 بتدور حلو الصبح وهى بارده الحمد لله بس لما بتكون سخنه وتفصل وترجع تشغلها مش بتشتغل علطول بتغيب تحاول مثلا 5 او 6 مرات لحد ماغ تشتغل وساعات اقرص ع الكونتناك والمارش شوية تشتغل من اول مره او تاني مره وساعات متشتغل خالص غير لما تبرد انا غيرت الموبينه ومشط الاسبراتير وبرده بقي الحال كما هو عليه ومغير بوجيهات قريب شمعه واحده بورو المانى نرجو الافاده وشكرا جزيلا |
رد: العربيه لما بتكون سخنه وتفصل وترجع تشغلها مش بتشتغل علطول بتغيب
شوف طرمبه البنزين او الوحده كلها بتاعت البنزين لان العيب ده على كلامك مش كهرباء وبرده شوف الفلتر بتاع البنزين طلعه فى ايدك ورجه لو لقيت لون البنزين الى جواه اتغير غيره .
لو مطلعش من الاتنين دول يبقى روح كده لواحد مكنيكى بيفهم بيفهم ينفخ فى مواسير البنزين الرايح والراجع ويبصلك على التنك دى اخر حاجه خالص لو مظبتيتش معاك انا بقولك عشان العيب ده اتنين بنزين وكهرباءء وانتا بتقول غيرت وحده الكهرباء كلها شوف البنزين برده وان شاء الله خير ويحرصك منها ومن شرها . |
رد: العربيه لما بتكون سخنه وتفصل وترجع تشغلها مش بتشتغل علطول بتغيب
اكشف علي الرشاشات لان يظهر بيسيلوا |
رد: العربيه لما بتكون سخنه وتفصل وترجع تشغلها مش بتشتغل علطول بتغيب
على فكرة العيب دا ظهر عندى فى الفيرنا 2008 وكان دا بعد لما غيرت وش طلمبة البنزين واكيد العيب عندك من الطلمبة نفسها والله اعلم
|
رد: العربيه لما بتكون سخنه وتفصل وترجع تشغلها مش بتشتغل علطول بتغيب
اسئل مجرب . حصل معايا قبل كده شوف انتا تدور الصبح زاى العاده واول ماتسخن روح على طرمبه البنزين وجيب فوطه مبلوله ميه وحطها عليها .. ماشى واستنى شويه وبعد كده دور العربيه لو دارت يبقى غير الطرمبه .. سليم الكلام . ويارب تقولى على اللى حصل .
|
| الساعة الآن 02:31 AM. |
Powered by vBulletin® Copyright ©2000 - 2024, Jelsoft Enterprises Ltd.
www.MasrMotors.com ™ Copyright ©2008 - 2024
Egyptian Automotive Community
جميع الحقوق محفوظة - مصرموتورز 2008 - 2017