مصر موتورز مجتمع السيارات - خرطوم الدبرياج فى الفيرنا

مصر موتورز مجتمع السيارات (https://www.masrmotors.com/vb/index.php)

- Accent Verna RB اكسنت فيرنا (https://www.masrmotors.com/vb/forumdisplay.php?f=237)

- - خرطوم الدبرياج فى الفيرنا (https://www.masrmotors.com/vb/showthread.php?t=53735)

خرطوم الدبرياج فى الفيرنا

السلام عليكم ورحمة الله وبركاتة

انا معايا فيرنا 2011 مانويل هاف اوبشين وبسبب مشاويرى الكتير وعدم قدرتى على السواقة حاليا اتفقت مع سواق وللاسف حاسس انة مش امين . ويوميا يقولى على حاجات محتاجها العربية واخرها انهاردة قالى انة غير خرطوم الدبرياج ب 60 جنية مع العلم ان العربية عاملة 6000 كيلو وحجزت فى صيانة غبور إن شاء الله يوم السبت ومعملتش صيانة ال 1000 بسبب انى مكنتش اعرف ساعتها فرايح اعمل صيانة ال 5000 فهل السواق دة بيستعبطنى ولا اية ؟

رد: خرطوم الدبرياج فى الفيرنا

الله اعلم ..

طب اسأله عمله عند مين وفين الخرطوم القديم ...

لو لقيته ارتبك او بيتحجج يبقى ممكن تشك فيه ....

بس نصيحة اوعى تسيبله العربية تانى لوحده ...

حرام عليك عربيتك جديدة .....

رد: خرطوم الدبرياج فى الفيرنا

انت عارف حضرتك مفيش حد يخاف على العربيه الا صاحبها لانه دافع فيها شقى عمره وتعبان فى كل جنيه فى العربيه علشان كده اللى بيسوق العربيه غير صاحبها مش شايل هم حاجه

ممكن يكون عنيف فى التعامل مع العربيه لانه مش تعبان فيها

وحضرتك لو مش مستريح لشخص ده شوف واحد تثق فيه ويحافظ عليها

وان شاء الله خير

رد: خرطوم الدبرياج فى الفيرنا

هو غالبا بيستهبل

رد: خرطوم الدبرياج فى الفيرنا

اقتباس:

المشاركة الأصلية كتبت بواسطة حسام البورسعيدى (المشاركة 411959)

السلام عليكم اخى . اشكرك على مساعدتك بارك الله فيك

انا كلمتة حاليا على الفون وقولتلة اذا كان حط الخرطوم القديم فى شنطة العربية فقالى انة نسية عند الميكانيكى . فقولتلة انى عايز الخرطوم القديم علشان لما نروح التوكيل يوم السبت فقالى لا اوعا تقولهم انك غيرت حاجة لحسن تطلعها برة الضمان فهل كلامة صحيح لو قولتلهم انى غيرت خرطوم هتخرج العربية برة الضمان ولا بيقولى كدة علشان مجيبش السيرة دية هناك وميكشفوش على الخرطوم . بالنسبة انى بسيبلة العربية علشان ببعتة فى مشاوير لانى بتابع مشروع خاص بى ومينفعش ابعد عن المشروع كل شوية . فمش هينفع اكون معاة فى العربية طول الوقت

اقتباس:

المشاركة الأصلية كتبت بواسطة mshm2003 (المشاركة 411961)

انت عارف حضرتك مفيش حد يخاف على العربيه الا صاحبها لانه دافع فيها شقى عمره وتعبان فى كل جنيه فى العربيه علشان كده اللى بيسوق العربيه غير صاحبها مش شايل هم حاجه
ممكن يكون عنيف فى التعامل مع العربيه لانه مش تعبان فيها
وحضرتك لو مش مستريح لشخص ده شوف واحد تثق فيه ويحافظ عليها
وان شاء الله خير

اشكرك اخى على نصيحتك ولكن للاسف هو دة المتوفر حاليا وعلى اد ايدى .

اقتباس:

المشاركة الأصلية كتبت بواسطة Egy News (المشاركة 411964)

هو غالبا بيستهبل

اشكرك اخى على مرورك وحسبى الله ونعم الوكيل فى السواق دة لو كان بياكل حرام من ورايا