|
عايز أروح مطار برج العرب
يا جماعة الخير عندى مشور الى مطار برج العرب وأنا من المطرية القاهرة كيفيه الوصول وعدد الكيلومترات وشكرأ |
رد: عايز أروح مطار برج العرب
انت ان شاء الله تيجى من القاهره من الطريق الصحراوى وبعد الكارته حتلاقى كوبرى اطلعه وبعد النزول اسأل على الكافورى حتلاقى مدخل طريق شمالك وانت جاى من القاهره اوله ماكدونالدز ادخل فيه حتلاقى مدينه الالعاب الاوليمبيه(ستاد مبارك الله لايرجعه)يبقى انت كده ماشى تمام بعدحوالى 30كيلو حتلاقى ملف ادخل شمال الى المطار وطبعاً فى يفط الى مطار برج العرب......
وتوصل بالسلامه |
رد: عايز أروح مطار برج العرب
الله ينور عليك يا اشرف بس انا حابب اكمل حاجه بناء على استنتاج السائل نتيجه انه كاتب انه من المطريه يعنى اعتقد انه مش عارف هيوصل الصحراوى ازاى وهو دا اللى انا عايز اكمله لو حضرتك من المطريه هتاخد اتجاه ميدان الحلميه ثم ميدان ابن الحكم ثم جسر السويس وهتاخد من تحت كوبرى التجنيد شمال فى اتجاه موقف العاشر من موقف العاشر هتاخد الدائرى فى اتجاه المرج وهتفضل ماشى ماشى لغايه ما تلاقى نزلة ميدان لبنان هتاخد من ميدان لبنان المحور لغايه ما تلاقى نزلة طريق مصر اسكندريه الصحراوى وتبدا فى الطريق زى ما قالك ا/ اشرف الطريق كله مابين 300 الى 350 كيلو من المطريه الى المطار توصل بالسلامه |
رد: عايز أروح مطار برج العرب
الله ينور عليكو وربنا ما يحرمنا من خبرتكم |
رد: عايز أروح مطار برج العرب
:crazyW14::crazyW14::craz yW14: حسبه برما بالنسبه ليا
|
| الساعة الآن 02:00 PM. |
Powered by vBulletin® Copyright ©2000 - 2025, Jelsoft Enterprises Ltd.
www.MasrMotors.com ™ Copyright ©2008 - 2025
Egyptian Automotive Community
جميع الحقوق محفوظة - مصرموتورز 2008 - 2017