ازاى اخلى التكييف يسقع العربيه جامد ؟
 

ازاى اخلى التكييف يسقع العربيه وازاى اوزع الهوا داخل العربيه علشان تبقى العربيه كلها ساقعه واللى قاعد ورا يحس بالهوا والتكييف برجاء سرعه الرد بليز

رد: ازاى اخلى التكييف يسقع العربيه جامد ؟
 

افضل طريقة لاستعمال التكييف باتباع الخطوات دى ..

- قبل ما تشغل التكييف يا ريت تفتح الازاز علشان تطرد الهوا الشخن اللى جوا العربية ..

- بعد كده تفتح التكييف على اول درجة مع مراعاه ان لحظة فتحك للتكييف تكون فيها الموتور على السلانسية او على rpm منخفض ...

- وبعدين ابدأ زود سرعة التكييف زى ما تحب ...

- علشان افضل تبريد اتاكد ان مفتاح ترموستات التكييف (بتاع درجة الحرارة) على اقصى قيمة للبارد ..

- خلى الهوا يطلع من الفتحات اللى فى التابلوة علشان الهوا يأثر تاثير مباشر على الركاب وتقدر تحس بالبروده ...

رد: ازاى اخلى التكييف يسقع العربيه جامد ؟
 

بص ياسيدى سيب العربية تسخن الأول بعد ما تدورها(أساسي)
أول حاجة لو العربية كانت فى الظل تشغله من غير ما تفتح الزجاج علطول و توجه الفتحات بتاعة التهوية اللى فى الأطراف على الركاب الأماميين واللى فى النص على الركاب الخلفيين و فى الأول تشغله على السرعة الرابعة من 3-4 دقائق لحد ما درجة البرودة تبقى مناسبة و بعدين تقلل سرعة المروحة على السرعة المناسبة 1-2
أما لو كنت راكن فى الشمس أفتح كل الزجاج وشغل التكييف على السرعة الرابعة 3 دقائق عشان الهواء السخن يخرج من الكابينة وبعدين أقفل الزجاج وسيب المروحة على سرعة 4 3 دقائق كمان وبعدين قلل سرعتها على حسب الحاجة وحلي توزيع الهواء زي ما قلتلك فى الخطوة اللى فوق
لكن لو العربية مفيهاش غير الركاب الأماميين ممكن تقسموا فتحات التهوية عليكوا


أى خدمة

رد: ازاى اخلى التكييف يسقع العربيه جامد ؟
 

رد: ازاى اخلى التكييف يسقع العربيه جامد ؟
 

طيب .. انا كاتب "الهوا الشخن" بدل "السخن" ودى زله كيبورد ...

انتا بقى جبت "هوا خشن دى منين ....

ههههههههههههههههه