مصر موتورز مجتمع السيارات - مشكلة فى الكهرباء ...... أرجو المشورة

مصر موتورز مجتمع السيارات (https://www.masrmotors.com/vb/index.php)

- كهرباء السيارة (https://www.masrmotors.com/vb/forumdisplay.php?f=149)

- - مشكلة فى الكهرباء ...... أرجو المشورة (https://www.masrmotors.com/vb/showthread.php?t=53436)

مشكلة فى الكهرباء ...... أرجو المشورة

السلام عليكم .............

عندى مشكلة فى كهرباء العربية ممكن تكون سهل حلها و مش محتاجة كهربائى و مفيش غيركم يقدر يساعدنى يا أحلى أعضاء فى الدنيا ........

بداية المشكلة هو أنى غيرت أسطوانة و ديسك الدبرياج و لذلك رفعنا المتور و طلعنا بطن العربية .... و بعد ما خلصت و العربية بقت تمام ..... ظهرت مشكلة فى كهربة العربية و المشكلة تتلخص فى الآتى :::

لما بكون ماشى بالعربية و بدوس على البخاخ بتاع الميه عشان يرش الميه على الإزاز بلاقى العربية بترعش أو بتترج رجة بسيطة خالص ... الكلام دا و أنا ماشى بالعربية ..... إنما لما بكون و اقف و بدوس على البخاخ بلاقى العربية بتترج جامد و بعدين بتبطل .....

يعنى تقريبا كدا البخاخ بياخد كهرباء كبيرة من البطارية ........ أنتوا أيه رأيكو ؟؟؟؟؟؟

حاجة تانى مجننانى برضو أن العربية مؤخرا بتكهربنى ....... يعنى مثلا أمشى بيها و أخلص بيها مشوارى و بعد ما أركن و أطلع من العربية و لما بآجى أمسك الباب عشان أقفله بتكهرب !!!!!!!

الحكاية دى حصلت 5 أو 6 مرات ............. مش عارف أيه الحكاية دى ؟؟؟؟

منتظر ردودكم ........ ربنا يجازيكم خيرا و يجعله فى ميزان حسناتكم .....

تحياااااتى ::::::::::::::::::::::::: ::::::::::::::::

رد: مشكلة فى الكهرباء ...... أرجو المشورة

بالنسبة لموضوع الكهرباء اللى فى جسم العربية دة لان اكيد فى فرش من مواد بوليستر وبتحصل كتير فى الجو الصحو الجاف المصاحب بهواء جاف
اما بخصوص موتور البخاخ لازم تراجع على الدينامو وشحنة وتغير مية البطارية

رد: مشكلة فى الكهرباء ...... أرجو المشورة

اقتباس:

المشاركة الأصلية كتبت بواسطة mrastra (المشاركة 409163)

الف شكر يا أستاذى ........

أنا كنت متعشم أصلح العطل بنفسى بس مفيش مفر من الصنايعية هههههههههههههه

تحياتى و الف الف الف شكر لحضرتك

رد: مشكلة فى الكهرباء ...... أرجو المشورة

بسم الله الرحمن الرحيم . اخى الكريم الموضوع كله يتلخص فى الكبلات الرئيسيه للسياره فراجع الكبل الارضى راكب صح ولا غلط والله الموفق .

رد: مشكلة فى الكهرباء ...... أرجو المشورة

اخى الكريم هناك ملحوظه اخرى وهى عندما اسقط الموتور قد تم فك الكبل الارضى الخاص بالموتور وحينما ارجعت الموتور فى مكانه مره اخرى لم يقم الميكانيكى بتوصيل الكبل الارضى الخاص بالموتور وهذا هو سبب ارتباك كهربه السياره وايضا كهربه الجسم الخارجى للسياره والله الموفق .