مصر موتورز مجتمع السيارات - تركيب تكييف على ال 128 موديل 91

مصر موتورز مجتمع السيارات (https://www.masrmotors.com/vb/index.php)

- 128 FIAT (https://www.masrmotors.com/vb/forumdisplay.php?f=199)

- - تركيب تكييف على ال 128 موديل 91 (https://www.masrmotors.com/vb/showthread.php?t=53035)

تركيب تكييف على ال 128 موديل 91

ارجو من خبراء المنتدى العظيم افادتى فى الموضوعده
انا عندى عربية 128 موديل 91 جراند لوكس 1300 سى سى
وعايز اركبلها تكييف ورحت مركز تكيفات للسيارات وقالى مفيش مشكلة ،
بس المشكلة ان قالى التكييف هيتكلف 3200 جنيه ، فى سبيل ان ماتور العربية الريجاتا بالفتيس والتكييف ى عزبة شلبى ب 3000 جنيه .
فلو حد عنده معلومات عن انسب تكييف ممكن الواحد يشتريه وفى نفس الوقت يكون ثمنه حنين يقولى ، وكمان لو فى حد سمع عن التكييف الصينى اللى بيشتغل على الباطرية يا ريت حد يدينى اى معلومات مفيدة :ff5a34af6efef0e643e

رد: تركيب تكييف على ال 128 موديل 91

الموتور حيجي بالكمبروسر فقط و يا عالم حالته عامله ازاي
اما 3200 هو تمن الكمبروسر و السربنتينه و الخراطيم و الفلتر و الفريون
يعني بيسلمك علي المفتاح
بالنسبه لتكييف البطاريه اول مره اسمع عنه الصراحه

رد: تركيب تكييف على ال 128 موديل 91

اقتباس:

المشاركة الأصلية كتبت بواسطة eyadziad (المشاركة 404802)

أنا مشكلتى قريبه من مشكلتك . وانا سمعت عن التكيف اللى على البطاريه واسمه تكيف روتارى . وانا سألت عنه كتير بس واضح انه لسه مانزلش مصر . أو انا ماعرفتش أول له . وفعلا سعر تركيب التكيف قالولى 3200 للتكيف الساندن اليابانى .
بس المشكله حاتقابلك فى مكان تركيب وحدة ال اسبليت اللى فيها التشغيل والهوايات . وعشان كده انا احتمال اضطر اغير التابلوه كله .

رد: تركيب تكييف على ال 128 موديل 91

ده موضوع معمول عن تكييف للماروتي وهيا 800 سي سي

128 ينفع يركبلها تكيييف لو 1300

اقتباس:

المشاركة الأصلية كتبت بواسطة حبيب الناس (المشاركة 178456)

بسم الله الرحمن الرحيم

يا جماعه مالكي سوزوكي ماروتي 800cc انا حابيت انقل لكم تجربه انا عشتها وعملتها امبارح الجمعه 7-5-2010 انا ركبت تكييف في عربيتي الماروتي

كان بقالي اسبوعين بلف ودور علي تكييف للعربيات الصغيره خاصة ان الماروتي بره بتنزل بتكييف قعدة كتير اعمل سرش علي النت علشان اقري كتير عن الموضوع ده ولقيت منتدي تاني اسمه قريب من منتدانا الكريم بلاش اسمه علشان ميبقاش اعلان ليه فيه موضوع مفصل عن تكييف الماروتي وناس كتير متعرفش حاجه عن الماروتي فضلت تفتي وتقول مينفعش ده 800 cc وكمان 37 حصان واحد حل الجدل ده وراح ركب تكييف وقالهم ينفع
وانا كمان حبيت اجرب وحبيت انقلكم تجربتي مع تكييف الماروتي التجربه ده كلفتني 2700 جنيه
اولا روحت شركة تكييفات في مدينه نصر قالي هيلغي السخن ويركبلي كباس وسربنتينه وكويلر وكانت التكلفه 3200جنيه بس الكباس مش فاكر ماركته
روحت لواحد تاني في المهندسين قالي هيركبلي كباس ماركته ساندن ياباني وهيشغلي السخن والبارد مع بعض وده تكلفته برضه 3200 جنيه
روحت لواحد ثالث في المعادي موزع لتكييف ساندن قالي هيشغله بارد فقط قالتله اللي قالوهولي بتاع المهندسين قالي انا ممكن اعملهولك بس التبريد هيكون مش كافي لان العربيه صغيره والتبلوه صغير جدا عندك فهركبلك كولر صغير مش هيقضي الغرض لكن بيطلع هوا ساقع لكن مش كفايه مش هيبرد العربيه خاصة احنا داخلين علي الصيف وكمان قالي انت مش هتستعمل الساخن كتير فملهوش لزمه انا فعلا استعمالي للساخن ممكن 4 او 5 مرات في الشتاء فقلتله الغي الساخن
بالفاعل الراجل ركب كباس ساندن 505
http://www.britishac.com/images/prod...m/593sd505.jpg
وركب سربنتيه مخصوص للماروتي لانها الحوض ضيق جدا
وركبلي كويلر داخل التابلوه واستغل الفتحات بتاعة التبلوه
واخدنا العربيه ورحنا لخراط عمل قاعده للكباس للأخرام (الجوايط) اللي موجوده في الماتور بتاعة التكييف وثبتنا عليها الكباس ولحم علي تنبوره الماتور تنبوره تاني علشان يحط عليها سير الكباس
وعمل شويه خراطيم واختراعات لحد ما بقي التكييف شكله زي كده

http://www.hanein.info/vb/imgcache/8...anein.info.jpg
وبصراحه رجعت من عنده مش مبسوط شويه حسيت العربيه اتغيرت
النهارده فضلت اظبط الكهرباء بتاعه العربيه وعليت العربيه سنه صغيره لكن الحمد لله العربيه اتظبططت وشغلت التكييف في عز الضهر وانا ماشي في وسط البلد
بصراحه مفيش فرق كبير الفرق بيتحس في النقله اولي والثانيه فقط لكن غير كده مش هتحس بان العربيه فيها حاجه فرق بسيط مع النقله الاول والنقله الثانيه بتحس انك بتدوس سنه بنزين ازيد شويه والتكييف شغال لكن باقي النقلات طبيعيه
واكيد طبعا لما بيكون التكييف مش شغال كأنه مش راكب خالص
انا حبيت انقلكم التجربه بصدق نيه علشان اللي ناوي يركب تكييف للماروتي ميخافش ويركب وطبعا العناوين واسماء المحلات انا ابعتها علي الختص لو حد حابب يسئل
او ممكن احطها في الموضوع لو الادارة سمحت

ارجو اني مكنش طولت عليكم
تقبلوا تحياتي

وده رابط الموضوع