هل اللى بيحصل فى الكارينز ده طبيعى ؟
 

السلام عليكم
وحوش الكيا .... معايا كارينز 2010 خليجى زى مالناس عارفه
كنت بشتكى شوية من استهلاك البنزين
رحت مركز القطامية وقلتلهم ... قالى المهندس بعد الفحص اننا ظبطنالك الدنيا وهتلاقى الدنيا تمام
المهم .... لاحظت بعد كده ان استهلاك البنزين زاد اوى
ولما اتكلمت كان ردهم ان البلد زحمة اوى واستهلاك الكارينز عالى شوية وبالتالى كده استهلالك معقول .... قلت امرنا لله ... مع انى مكنتش مقتنع بالكلام
لحد لما جربت يوم الخميس
كنت مسافر اسكندرية ... يعنى طريق طوالى ... لازحمة ولا انتظار ولا حاجه
فولت التانك وكله تمام وسفرت العداد عشان احسب
الصدمة ياشباب ... من القاهرة للاسكندرية .... نص التانك خلص ......
بنتكلم فى 25 لتر غير شوية احتياطى خلصوا فى 220 كيلو بالظبط حسب العداد وعلى طريق طوالى .....
تانى صدمة وانا راجع النهارده السبت ... فولت التانك تانى ... بس المرادى شغلت التكييف
لقيت المؤشر عند مدخل المحور وصل قبل ربع التانك بشوية
يعنى بتكلم فى 35 لتر تقريبا مع التكييف
هل المعدل ده منطقى ياشباب ؟
ولو مش منطقى العيب فى ايه والحل فين ؟
وشكرا

رد: هل اللى بيحصل فى الكارينز ده طبيعى ؟
 

لا غير طبيعى والاستهلاك يكون فى حدود6 لتر او 7فى ال100 كيلومتر

رد: هل اللى بيحصل فى الكارينز ده طبيعى ؟
 

ياشباب الكارينز
فين المساعده والردود

رد: هل اللى بيحصل فى الكارينز ده طبيعى ؟
 

فى حاجة ..
*هيا اتوماتيك ولا مانيوال
*طب لو هيا مانيوال ..ايه طبيعة سواقتك ( بتحرق غيارات و تقرص ولا بتنقل عادى )
*طب لو اوتوماتيك او مانيوال .. السرعة يا باشااااااااااا .. اقصى سرعة جبتها كانت كام ؟؟؟ او اخدت الطريق ف اد ايه وقت ؟؟
*معلش .. عداد عربيتك كام الف كيلو .. و ياريت تقولنا عملت ايه صيانة ( هل غيرت فلتر بنزين و زيت و فلتر زيت ) ..
* العربية مخنوقة ولا سالكة .. و لو عندك ملاحظات اكتبها ..
بسيطة بس توضح لنا النقط دى و ربنا موجود و ان شاء الله سهلة !! GIFT4UGIFT4U
تحياتى

رد: هل اللى بيحصل فى الكارينز ده طبيعى ؟
 

* العربية اتوماتيك
* سواقة عادية متوسط سرعه 100-130 كيلو على الطريق الصحراوى
* عداد العربية 16500 كم
* الصيانة ال 15 الف ... زيت وفلتر زيت
* مش عارف جزئية مخنوقة ولا سالكة دى يعنى ايه لان معلوماتى عن العربيات مش اوى الصراحة

وشاكر جدا على الردود