|
مميزات وعيوب الرش داخل وخارج الكابينة
بسم الله الرحمن الرحيم يسعدنا تقديم مميزات وعيوب الرش داخل الكابينة وخارج الكابينة أولاً: الرش فى الكابينة له فؤائد كثيرة 1- إنك تحمى العربية من الاتربة بعد الرش . 2- السخن فى الكابينة ليه اهمية كبيره للبويه . 3- العربية داخل الكابينة اكثر لامعة . ثانياً: الرش خارج الكابينة ( بالشارع ) 1- السيارة بتلم جميع الاتربة على البوية . 2- البويه لازم يكون ليها درجة حرارة معينة . 3- البويه تاخد وقت اكتر فى النشفان . 4- العربية خارج الكابينة بتطفى . 5- العربية بتكون خشنة بعد الرش . 6- البويه تحتاج إلى درجه حرارة معينة فى الشتاء عشان ماتسيلش . 7- يحتاج المصلب والتنر والورنيش إلى درجة حرارة معينة . 8-عندما تقوم بالرش فى الشارع العربية مرة اخرى تفوش . أتمنى إن أكون وفقت فى عمل الموضوع تحياتى وتقديرى لكل أعضاء مصر موتورز |
رد: مميزات وعيوب الرش داخل وخارج الكابينة
طيب سؤال كمان معلش هزهقك
تسلم يا اسلام على الشرح بس يعنى ايه تفوش ديه ؟؟؟ وكنت عايز اسألك لو فيه عربيه مستعملة انا شاكك فى انها راشه دواخل او قوائم فيه حتت معينه مممكن يبان فيها الرش او اثاره يعنى وبالنسبة للفيلر اللى كان بيتعرف منه زمان اثار اللحام او الرش سمعت انه بيبتاع عادى وممكن العربيه تتفنش كويس وميبانش فيها اى اثر للرش ؟؟ ياريت شرح وافى لرش الاجزاء الداخلية عموماً وبالاخص اجزاء العتب لو فيه خبطات او دواخل الابواب |
رد: مميزات وعيوب الرش داخل وخارج الكابينة
بالنسبه للقوايم لو مرشوشه نتيجه خبطه او لحام يا ابو نورا لازم حتاخد معجون و في الحاله دي حيبان مهما كان نضافه اللي بيرش
حتي لو مش باين حتلاقي اثار الورنيش باينه برضه بس محتاجه واحد فاهم شويه في البويه و شايف العربيه دي علي وضعها كان عامله ازاي غير بقي ممكن يبقي حظك حلو و ربنا يظهر لك اي تسييله في البويه من جوه |
رد: مميزات وعيوب الرش داخل وخارج الكابينة
اقتباس:
كلمة تفويش يعنى تكرمش البويه على العربية سامحنى فى اللفظ تعمل زى الكرشه البويه بالنسبة لسؤالك على العربية المرشوشه قبل كده تعرفها ازاى؟ من حيث الدواخل تقدر تشيل كوتش البابين هتلقى لون العربية الاصل بتاعها وبعد كده تقدر تقارن ما بين اللون الاصل بتاعها واللون إلى موجود على قوائم العربية هظهر الحرف بتاع الورنيش لو كانت مرشوشه اللى إنت شاكك إنها تكون مرشوشه قبل كده وبعدين بص على مازنق العربيه كويس أوتفك الكولين بتاعت العربيه هيبان الحرف بتاع الورنيش والبويه تحت الكولون اهم حاجه فى رش الدواخل بعد ما تقوم بالرش بتاعت العربيه تتسحق وتتلمع وعلى فكره مع السحق والتلميع مش بتبان عليها حاجة بالنسبه للشرح الوافى للدواخل السيارة ؟ بيكون حوض العربيه لميع او نص لامعه او مط وكذلك الشنطه بتاعت العربيه اهم حاجه إنك تبص على الفلتو بتاع الحوض والشنطه والبابين والزنب جداً عشان مش اى سمكرى يعمل الزنب دى ولا اى بهويجى يعمل الفلتو بتاع الفبريكه بخصوص العتب بتشد عادى مهما كانت الخبطات اللى فيه وبيرجع تانى زى الفبريكه نصيحه بلاش حد يفك العتب بتاع العربية أهم حاجة الصنعة فى الدواخل لان مش اى حد بيعملها ومش تبان أتمنى إن يكون الشرح وافى لك وللأعضاء |
رد: مميزات وعيوب الرش داخل وخارج الكابينة
اقتباس:
عزيزى استاذ حازم اشكرك على مشاركتك جميلة بس كنت حاب أقولك حاجة بالنسبة للقوايم لما تتجهز صح وتتسحق وتتلميع مش حيبان لان هى لما تتسحق وتتلميع هتجيب نفس درجة المعه بتاعت الفبريكه اهم حاجة الزنب والفلتو فى دواخل العربية قبل اى حاجة اهم حاجه الصنعه فى الدواخل لان مش اى حد بيعرف يطلعها فبريكه تحياتى ودى لك |
| الساعة الآن 03:49 AM. |
Powered by vBulletin® Copyright ©2000 - 2024, Jelsoft Enterprises Ltd.
www.MasrMotors.com ™ Copyright ©2008 - 2024
Egyptian Automotive Community
جميع الحقوق محفوظة - مصرموتورز 2008 - 2017