معاً من أجل دليل بأماكن ورش الميكانيكا و العفشة الخاصة بالهيونداي خارج التوكيل في كل حتة في مصر
 

أعزائي الهيونداوية
تحية طيبة من القلب إلي القلب
في البداية أشكر كل من ساهم و يساهم في المنتدي الذي أفخر بانتمائي إليه ..مع أمنية باستمرار هذا التألق .
التوبيك اللي أنا عامله ده بجد أعتقد اننا كلنا محتاجينه.....فمنذ فترة لاحظت أن الاهتمام بالصيانة خارج التوكيل و أماكن الناس اللي بتفهم صح في الصيانة مركزة فقط علي القاهرة......هذا ليس عتاب علي أحد .. فأنا أعرف أن الامانة تقتضي ان الواحد مينصحش بأي واحد قبل ما يجربه و لهذا فإن الأعضاء في القاهرة مشكورين وجهونا لبعض الورش و المهندسين المحترمين داخل نطاق القاهرة ولهم عظيم الشكر .
و أنا اليوم أرغب بجد من السادة الأعضاء تبادل خبراتهم في الورش المحترمة للهيونداي علي مستوي الجمهورية ... و ذلك من أجل إنشاء دليل كامل لهذه الورش .
أرجو من السادة الأعضاء التفاعل مع هذا الموضوع و اللي يعرف ورشة محترمة في أي مكان في الجمهورية يدلنا عليها و يشرح عنوانها-تكاليف الصيانه فيها-درجة الأمانة-نسبة رضا العميل عن العمل -و هكذا .
و للعلم أنا من المنصورة و لا أعرف بصراحة ورش للهيونداي...أنا معايا فيرنا عاملة 16000 و لسه مع التوكيل لحد دلوقتي ...فياريت لو حد يعرف ورش في المنصورة يقوللي .
و لكم جزيل الشكر مقدماً

رد: معاً من أجل دليل بأماكن ورش الميكانيكا و العفشة الخاصة بالهيونداي خارج التوكيل في كل حتة في مصر
 

بصراحه انا معرفش غير المهندس محمد بيومى و ده مهندس كان فى التوكيل و سابه و حتى بجد محترم جدا جدا و مش غالى خالص

عنوانه مصطفى النحاس مدينه نص و اسم المحل بتاعه كارتك

رد: معاً من أجل دليل بأماكن ورش الميكانيكا و العفشة الخاصة بالهيونداي خارج التوكيل في كل حتة في مصر
 

يسعدني بل أفخر أنك أول المتفاعلين مع الموضوع و دائماً بالتوفيق يا أحمد بك
و للعلم أنا للأمانةاستوحيت فكرة التوبك من التوبك الخاص بأعطال الفيرنا بتاعك
فأنت فتحت نقاش عام للأعطال و محاولة المساعدة و أنا بجد أريد توفير دليل كامل للورش الموثوقة لإصلاح الهيونداي علي مستوي الجمهوريه ....... عشان لو حصل لأي حد مننا أي ظروف يدور علي أقرب مكان و يروحه
و لك جزيل الشكر .......... و رجائي من السادة الأعضاء اللي يعرف أي ورشة محترمة يشاركنا ....... و لو تفاعل الأعضاء بشكل جيد أعتقد الفائدة هتكون لينا كلنا ولا إيه؟؟

رد: معاً من أجل دليل بأماكن ورش الميكانيكا و العفشة الخاصة بالهيونداي خارج التوكيل في كل حتة في مصر
 

شكرا جزيلا لحضرتك

يا باشا انا عمرى ما هازعل من ان حد اخد فكرتى و طورها علشان يفيد بيها الاعضاء

و انا بناشد الاعضاء ان اللى عنده اى معلومه عن اماكن الورش خارج نطاق القاهره يفيدنا

رد: معاً من أجل دليل بأماكن ورش الميكانيكا و العفشة الخاصة بالهيونداي خارج التوكيل في كل حتة في مصر
 

إيه يا جماعة مفيش أي تفاعل مع الموضوع ليه؟؟؟
ع العموم أنا كنت أريد المصلحة العامة لنا كلنا
شكرا أحمد بك علي تفاعلك معي
يومين تلاتة و في حالة عدم التفاعل سأقوم بإلغاء الموضوع
و شكرا علي اي حال