دواسة الدبرياج بتعلق ... ؟؟
 

السلام عليكم شباب المنتدي المحترمين

حصلت معايا مشكله مش عارف ايه ممكن يكون سببها

العربيه كانت عالغيار الاول وماشي فالزحمه وماسك الدبرياج وبعدين لاقيت وانا برفع رجلي من علي الدواسه وانزلها الدواسه كانها عايزه تعلق وفعلا الدوسه اللي بعدها علقت تحت وما ردتش
والغريب انها معلقة تحت والغيار راكب يعني دوست عليها جامد وجيت امور لاقيت الفيتيس معلق والعربيه معشقه
المهم هديت وفرملت وبطلت العربيه ومورت ورفعت الدواسه اترفعت معايا ودورت تاني وكله بقي تمام
لكن المشكله دي اتكررت ٣ مرات علي فترات متباعده وبدأت احس ان الدواسه مش طبيعيه وخايف ان دي تكون مشكله خطر

العربيه عندي دبرياج علي وير سلك مش زيت

ومستني ردودكم

رد: دواسة الدبرياج بتعلق ... ؟؟
 

احتمال الواير شععر و بيعلق ساعات فى الجراب البلاستيك الى حواليه

رد: دواسة الدبرياج بتعلق ... ؟؟
 

دي مشكلة واير كده انت لازم تغير واير لانة واضح انه شعر وبداء يتزنق في الجراب

رد: دواسة الدبرياج بتعلق ... ؟؟
 

تمام كلامكم يا رجالة انا شكيت في الوير
لكن مش لو حتي الوير بيزنق والدبرياج دواستة معلقة تحت يبقي المفروض ان الاسطوانه ساعتها تبقي فاصلة ؟؟؟
لكن اللي بيحصل ان الاسطوانه بتبقي معشقة والدواسه معلقه تحت وده اللي انا مستغربله

رد: دواسة الدبرياج بتعلق ... ؟؟
 

والله كلامك منطقى
بس على الاقل اكشف على الواير مش حتخسر حاجة ممكن يكون اتقطع منه سلوك فطول حبة او الجراب نقط تثبيته اتكسرت فبيروح و يجى مع الواير
و لو الواير و جرابه تمام يبقى نفكر فى الباقى