|
زيت الاوتوماتيك في لانوس 99
مساء الخير جميعا .. عندي لانوس 99 كامله اوتوماتيك .. محتار جدا في طريقة قياس زيت الفتيس .. وفي الكتالوج الشركة كاتبه انه يتقاس عند الوكيل .. وانه يتزود بس ولا يتغير زيت الفتيس الا في الظروف القاسيه للاستعمال .. وناس تقول يتغير وناس تقول اوعا تغيره .. لان الفتيس ممكن يضرب وميشتغلش تاني .. لو حد هنا عنده لانوس اوتوماتيك يقولي ازاي اقدر اقيس الزيت .. اخر ميكانيكي رحت له قالي ان في طابه في جمب كارتيرة الفتيس قالي بنهويها ونشوف الزيت هينزل قد ايه كتير ولا قليل .. طبعا ده اخر كلام .. بس معظم اللي قالو رايهم .. اقترحو انه يتزود كل شهرين ب لتر موبيل وخلاص .. ارجو الافاده من اصحاب الخبرة .وعندي مشكله في الفرامل هطرحها في موضوع اخر انشاءالله
تصبحو علي خير |
رد: زيت الاوتوماتيك في لانوس 99
اقتباس:
بخصوص كيفية التعرف على كون منسوب الزيت بالفتيس زياده أو ناقص فى فتيس الانوس الأوتوماتيك المسمى لدى الصنايعيه ( بالفتيس المدفع ) ____________ وينصح أخى العزيز بضرورة تغيير زيت الفتيس وخصوصا الفتيس الأوتوماتيك كل فتره تشغيليه معينه للسياره نقول كل 60 ألف يبقى معقول _________ وياريت كمان تغير فلتر زيت الفتيس بالشكل ده هتحافظ صح على فتيس سيارتك الأوتوماتيك |
رد: زيت الاوتوماتيك في لانوس 99
اقتباس:
وسؤالي ده بسأله لان في النقله الاولي علي ال d العربية بتتاخر ( مش بتكون محضره ).. بس في ال r بتكون محضره كويس .. ايه رايكم ف ده ..؟ الميكانيكي قالي .. ان الفلتر محتاج يتنضف بس لازم هنغير زيت ,, انا قلقان الصراحه .. محتاج نصيحه ساعات العربيه بتكون محضره علي ال d وساعات تانيه لاء بتطول عشان تاخر النقله وتبتدي تتحرك .. وعند سرعه 100 كيلو عشان ازود بنزين واحاول اجيب ال 120 .. الاقي ال rbm عند رقم 4 وبيطول اوي اوي عشان ياخد النقله وينزل تاني .. مش عارف ده عيب فتيس ولا عيب ايه .. اللي انا فاهمه ان الاتوماتيك . مع كل دوسه بنزين زيادة نقله الفتيس من الاول للتاني مثلا ال rbm بيعلا عشان النقله تاخد وضعها وينزل تاني ومن التاني للتالت يعلا وينزل تاني وهكذا .. ده اللي انا فاهمه .. بس عندي عند سرعه 100 بيكون ال RBM ثابت علي 3 .. اجي ازود الاقي العربيه صوتها عالي وفين وفين عشان تاخد النقله وال RBM ينزل .. ياتري ده عيب ايه؟؟ وهل عشان انا غيرت الرشاشات يكون ده السبب ؟ هل عيب رشاشات مثلا ؟ رأي الخبراء ايه ؟؟؟ |
رد: زيت الاوتوماتيك في لانوس 99
هاااااااااااااااااااااااا ى
مساء الخيرات زيت الفتيس مش بيتغير هو بيتزود بس واوعى تغيره عشان بيبوظ الفتيس انت تروح عند بتاع زيت كويس ويكون بيفهم وتقوله انا عايز ازود زيت الفتيس انا هقولك بيزوده ازاى فى طبه من تحت بيفكها ويحط الزيت منالفتحه اللى فوق ناحية الماتور واول الزيت ما ينزل من الطبه يبقى كده الزيت مظبوط هى غالبا بتاخد كيلو زيت:14369D~149: |
رد: زيت الاوتوماتيك في لانوس 99
السلام عليكم
انا عندي لانوس اوتوماتيك 99 وغيرت الزيت مرتين قبل كده وغيرت الفلتر مرة و الحمد لله مفيش مشاكل من موضوغ التغير وغيرت زيت اسو الاحمر وبقاله معايا سنتين تقريبا |
| الساعة الآن 06:46 AM. |
Powered by vBulletin® Copyright ©2000 - 2025, Jelsoft Enterprises Ltd.
www.MasrMotors.com ™ Copyright ©2008 - 2025
Egyptian Automotive Community
جميع الحقوق محفوظة - مصرموتورز 2008 - 2017