الكاوتش الامامى مش راضى يركب ورا
 

السلام عليكم ورحمة الله وبركاته
الموضوع باختصار انى روحت لبتاع كاوتش علشان يلحم فرده المهم لقيته بيتفلسف كالعاده وبيقوللى هى دى كانت قدام ولا ورا قولتله ورا قاللى ازاااااااااااى دى لازم تركب قدام وتجيب اللى قدام ورا المهم سمعت كلامه والواد نقل العجل ووانا ماشى لقيت العربيه عماله تترج وديلها يرقص احسن من اجدعها رقاصه ولقيت واحد ابن حلال بيقوللى الحق العجله مفكوكه روحت نازل ومقرط عليها ومشيت لقيت نفس الرقص وزاد عليها خبط فى الفرده اللى اتنقلت روحت مرجعها تانى قدام ورجعت اللى قدام ورا اتظبطت تانى بس المشكله دلوقتى ان الاستبن برضه عمل نفس الكلام ورا بس كويس قدام العربيه بولونيز والجنط 13 طيب انا كده امشى باتنين استبن ولا اعمل ايه بس انا لاحظت ان الفردتين اللى قدام راكب وراهم وردتين واللى ورا راكب ورده واحده فالموضوعده مجننى وقالقنى وخصوصا موضوع الاستبن ايه الموضوع وايه الحل؟؟؟؟؟

رد: الكاوتش الامامى مش راضى يركب ورا
 

هوا موضوع التصليب معروف بس المهم اللى يعمله ينقل الفرديتين ورا وقدام مع جعل اليمين شمال والشمال يمين وبعدين ترصص

رد: الكاوتش الامامى مش راضى يركب ورا
 

الموضوع مش مقصود بيه تصليب وبس المشكله ان الفرده الامامية لما ركبت ورا ما ربتطش كويس كان فيه مسافه بينها وبين الطمبوره ولما قرصت على الرباط بقى فيها تخبيط يعنى الجنط الامامى كده مختلف عن الخلفى ولا ايه مش فاهم انا

رد: الكاوتش الامامى مش راضى يركب ورا
 

شكلها كده فعلا علشان كده لازم تروح عند بتاع عجل كويس يعرف المشكلة فين بالظبط

رد: الكاوتش الامامى مش راضى يركب ورا
 

الجنط بتاعها مش أصلى والسرة ضيقة يا باشا دى المشكلة .. الحل هتروح المخرطة هيوسعلك فتحة الجنوط على مقاس السرة وفى الحالة دى هتدخل السرة على الطنبورة لانها حاليا مش بتدخل للاخر .. يارب تكون المعلومة وصلت وربنا يستر