|
عندى مشكله يا ريت الحل
انا عربيتى رينو لوجان 2011 عامله 4500 كيلو
انا كنت سايب العربيه للحج علشان كنت فى شغل اسبوعين بره مصر ورجعت لقيت الحج مدمر العربيه الرفرف اليمين مخبوط والباب اليمين مخبوط وفى حته محكوكه والجنب الشمال الرفرف اللى ورا محكوك ولقيت العربيه حاسس انها مش بتسحب مش عارف ليه ومعلش كمان الباب الخلفى اليمين بيفتح ازازه نص بس وبيتفتح من بره بس مش عارف ده ايه والف شكر واسف طولت عليكم |
رد: عندى مشكله يا ريت الحل
ياااااااه دا الحج عمل الواجب وزياده مع العربية ههههههههه
مبدئيا يا جميل اهلا وسهلا بيك فى منتداك "مصر موتورز" .... ومعلش قدر الله وما شاء فعل .. شغل الصاج طبعا هتروح عند سمكرى نضيف ويكون من الناس اللى بتشتغل فى الزيرو و الحديث .. وتقف على ايده فى الشغل .. وباذن الله هترجع زى الاول واحلى ... طبعا ممكن توديها التوكيل بس هتغرم كتير ... موضوع انها مش بتسحب : اتأكد من مستوى مياه التبريد فى القربة (يكون عند علامة max ولا يقل عن علا min ) .. وقيس الزيت .. وشيك على ضغط الكاوتش .. ده مبدئيا وياريت تفصيل اكتر عن مشكلة السحب دى لانها اهم شئ دلوقتى ... موضوع الباب الخلفى .. هو الازاز بتاع اللوجان تصميمه كده بيتفتح نصه او اكتر من نصه شوية .. المهم اتاكد ان الازاز الخلفى اليمين يكون بيفتح زى الشمال ... وكون انه بيفتح من بره بس ده لان الباب فى قفل امان للاطفال علشان ميفتحوش الباب من جوه .. والقفل ده عبارة عن زرار موجود فى الجزء الجانبى من الباب (اللى الباب بيقفل منه) ... يا رب اكون افدتك .. ومتنساش تطمئننا يا غالى .... تحياتى ونورت المنتدى ....... |
رد: عندى مشكله يا ريت الحل
موضوع الباب الخلفى ده من زرار امان الاطفال
|
رد: عندى مشكله يا ريت الحل
اقتباس:
المهم إنه بخير وسلامه اقتباس:
هل مون من بنزيمه مختلفه عن ما أنت متعود على التموين منها .........؟ وكما وضح الزملاء بالنسبه لموضوع الباب الخلفى إفتح الباب هتلاقى فى سيفه كده سقاطه غير وضعها من وضع look إلى وضع un look يعنى أرفع اللسان بتاع السقاطه لفوق أو نزل اللسان لتحت هتلاقى الباب شغال معاك تمام من بره وجوه اقتباس:
لأن ممكن يكون هناك تطبيقه فى الباب ده عامله قلق فى حركة رفع الأزاز |
رد: عندى مشكله يا ريت الحل
السلام عليكم
الساده الاعضاء وضحوا كل شيء تقريبا و انا متفق معاهم تماما بس انا عندي اقتراح انك تروح للتوكيل تعمل مقايسة للشغل و يكشفوا على العربية عشان مشكلة السحب شوف تكلفتها كام و شوف اذا كنت تقدر تصلحها في التوكيل لانه هيبقى احسن اكيد ان كان المبلغ كتير يبقى زي ما قال الساده و ان شاء الله خير فداك و فداء للحاج و ربنا يكرم الجميع و يبعد عنا الحوادث بأذن الله |
| الساعة الآن 03:11 AM. |
Powered by vBulletin® Copyright ©2000 - 2025, Jelsoft Enterprises Ltd.
www.MasrMotors.com ™ Copyright ©2008 - 2025
Egyptian Automotive Community
جميع الحقوق محفوظة - مصرموتورز 2008 - 2017