عايز اروح جراند مول المعادي من سانت فاتيما مصرالجديدة (بالعربية)
 

اهلا بيكو يااحلي شباب
انا ساكن في ميدان سانت فاتيما مصرالجديدة
وعايز اروح جراند مول المعادي بعربيتي
الفولكس البيتلز الجامدة اووووووووووووي

:14369D~149:
ممكن تشرحولي بالتفصيل عشان انا لسه جديد في السواقة :hd:

رد: عايز اروح جراند مول المعادي من سانت فاتيما مصرالجديدة (بالعربية)
 

من سانت فاتيما اطلع على ميدان السبع عمارات ثم اطلع الكوبري امام النيابة الادارية لتصل طريق النصر أو الاوتوستراد عند ميدان الساعة وتدخل يمين في طريق الاوتوستراد ولا تدخل يمين ولا شمال
هتعدي على ميدان رابعة العدوية - المنصة - جامعة الازهر - نادي السكة - المقاولين العرب - الدويقة - نزلة صلاح سالم أومطلع المقطم - كوبري التونسي - صقر قريش
هنا لك خياراين لأني معرفش مول المعادي فين بالضبط من هناك تقدر تسأل
الخيار الاول
عند صقر قريش تخليك في اليمين وتدخل يمين
الخيار الثاني تكمل بعد صقر قريش وتنزل نزلة زهراء المعادي ودي اما تنزل قبل الكوبري علشان تدخل اتجاه المعادي او تنزل بعد الكوبري علشان تنزل اتجاه الزهراء

توصل بالسلامة

رد: عايز اروح جراند مول المعادي من سانت فاتيما مصرالجديدة (بالعربية)
 

أسرع طريق إنك تطلع على الأوتوستراد و تاخد الإتجاه المتجه لحلوان (المنصة على شمالك) وتفضل ماسك الحارة الشمال لغاية ما تعدى من تحت كوبرى الطريق الدائرى ( المسافة حوالى 25 دقيقة بسرعة متوسطة) بعد كده إبدأ ركز حتلاقى علامة منطقة صقر قريش بعدها بحوالى 500 متر أو كيلو حتلاقى علامة تشير لليمين (طريق النصر) و هو طريق منخفض عن مستوى الأوتوستراد حضرتك حتاخده لغاية ما توصل ميدان الجزائر ثم ميدان عرب المعادى و هناك لو سألت أى شخص حيقولك على جراند مول لإنه قريب جداً من ميدان عرب المعادى
ياريت أكون ساعدتك

رد: عايز اروح جراند مول المعادي من سانت فاتيما مصرالجديدة (بالعربية)
 

بالرجوع لوصفة sad-bird حضرتك حتنزل قبل الكوبرى و تتجه للمعادى

رد: عايز اروح جراند مول المعادي من سانت فاتيما مصرالجديدة (بالعربية)
 

الف الف شكرياشباب
متشكر اووووووووي علي سرعة الرد
والوصف الدقيق GIFT4U