مشكلة فى 113 و لخبراء الاسبرانزا فقط برجاء المساعدة
السلام عليكم
عندى مشكلة غريبة شوية و حتى التوكيل الرئيسى مقدرش يشخصها بالظبط وهى انى لو باخخد مطب بالعرض بالعربية بمعنى ان فردة من اللى ورة نزلت من على المطب و التانية لسة بتنزل بسمع صوت طقة عالى وواضح كأن حاجة بتتكسر او حديد فى حديد و التوكيل شافوها و جربوها و سمعوها بنفسهم و بردة ما قدروش يحددوا العيب اية بالظبط ؟؟ حد يقدر يفيدنى فى الموضوع دة لو سمحتوا ؟؟؟ |
رد: مشكلة فى 113 و لخبراء الاسبرانزا فقط برجاء المساعدة
وارد يكون عندك عيب رباط فى مساعدين الركب الخلفيه مع البدن (من جوه الشنطه )
أو الكاوتشات أسفل وأعلى السوست مقطوعه أو مش موجوده أو السوست الخلفيه طريه زياده عن اللزوم أو المساعدين فيها مشكله |
رد: مشكلة فى 113 و لخبراء الاسبرانزا فقط برجاء المساعدة
كلام الاستاذ samirayad مظبوط . و عاما العربية معايا كده برده و سألت كذا واحد و سألت التوكيل نفسه و كان الرد ان ده تصميم العفشة ، و فعلا العفشة ناشفة اوى اوى و دى بجد اوحش حاجة فى العربية و اللى ساعات بتضايقنى منها . غير كده الحمد لله تمام
|
رد: مشكلة فى 113 و لخبراء الاسبرانزا فقط برجاء المساعدة
وارد يكون عندك عيب رباط فى مساعدين الركب الخلفيه مع البدن (من جوه الشنطه ) هوه العيب لانه كان عندى فى العربيه بتحس بالصوت طالع من الشنطه لو انت واقف جمبها |
رد: مشكلة فى 113 و لخبراء الاسبرانزا فقط برجاء المساعدة
نفس العيب عندى والمساعدين هيا اليبب وانا قبل ما اشتريها زيرو عارف ان فيها العيب دة
الحل المقترح من الناس والمكانيكية هوة تغير المساعدين النازلة فى العربية وانا طبعا مش هاعمل دة دلوقت غير لاما يجيبو اخرهم |
الساعة الآن 06:12 AM. |
Powered by vBulletin® Copyright ©2000 - 2024, Jelsoft Enterprises Ltd.
www.MasrMotors.com ™ Copyright ©2008 - 2024
Egyptian Automotive Community
جميع الحقوق محفوظة - مصرموتورز 2008 - 2017